ፕሬዚዳንት ባንኪ ዓለም ኣብ ኣናእሽተይን ማእኸለዎትን ኢንዱስትሪ ዝተዋፈራ ደቂ ኣንስትዮ ኣፍረይቲ ዑደት ገይሮም
ኣዲስ ኣበባ፣ 26 ሓምለ፣ 2015 (ኤፍ ቢ ሲ)ፕሬዚዳንት ባንኪ ዓለም ኣጀይ ባንጋ ኣብ ካልኣይ ኣብ ኢትዮጵያ መዓልቲ ፃንሒቶም ኣብ ኣናእሽተይን ማእኸለዎትን ኢንዱስትሪ ዝተዋፈራ ደቂ ኣንስትዮ ኣፍረይቲ ዑደት ገይሮም።
ብሓገዝ መንግስቲ ኢትዮጵያን ባንኪ ዓለምን ብዝንቀሳቐስ ፕሮግራም ልምዓት ኢንተርፕሩነር ሺፕ ደቂ ኣንስትዮ ተረባሕቲ ንዝኾና ደቂ ኣንስትዮ÷ ኣብቲ መፍረዪ ቦታ ተረኺቦም ኣዘራሪቦም።
ኣብ ዑደቶም ድማ ኣብ ፍርያት ጫማ ዝተዋፈረ መፍረዪ ጫማ ምስጋና ዝተዓዘቡ እንትኾኑ÷ ብዝተዓዘቡዎ ነገር ከምዝተደነቑ ገሊፆም።
ብዙሓት መናእሰይ ደቂ ኣንስትዮ ብዝረኸበኦ ሓገዝ ንብዙሓት ዕድል ስራሕ ከምዝፈጠራ ብምሕባር÷ እቲ ዕድል ንብዙሓት ምፍጣር እንተዝከኣል ብዙሓት ፈጠርቲ ስራሕ ምፍራይ ከምዝከኣል ምርኣዮም ኣልዒሎም።
መናእሰይ ፈጠርቲ ስራሕ ሓገዝ ፋይናንስ እንተዝረኽቡ ብዙሕ ምስራሕ ከምዝኽእሉን ኢትዮጵያ ኢኮኖሚኣ ከዕቢ ዝኽእል ብዙሕ ሓይሊ ሰብ ዘለዋ ከምዝኾነት ምዕዛቦም እቶም ፕሬዚዳንት ገሊፆም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com