ካብ ዝቕፅል ዓመት ጀሚሩ ኣብ ልዕሊ ላዕለዎት ትካላት ትምህርቲ ውልቀ ዝትግበር ኣገዳዲ መምርሒ ተሰናዲኡ

ኣዲስ ኣበባ፣ 22 ሓምለ፣ 2015 (ኤፍ ቢ ሲ)ካብ ዝቕፅል ዓመት ጀሚሩ ኣብ ልዕሊ ላዕለዎት ትካላት ትምህርቲ ውልቀ ዝትግበር ኣገዳዲ መምርሒ ከምዝተሰናደአ ተገሊፁ።

እቲ መምርሒ መውፅኢ ፈተና ላዕለዎት ትካላት ትምህርቲ ዝወስዱ ተምሃሮ እንተነኣሰ 25 ሚኢታዊ ምሕላፍ እንተዘይክኢለን ዓውዲታት ትምህርቲ ንክዕፀፉ ዘገድድ ኢዩ ተባሂሉ።

በዓል መዚ ትምህርቲን ስልጠናን ካብ 2016 ዓ.ም ጀሚሩ ተግባራዊ ዝግበር ሓዱሽ መምርሒ ከምዝኾነ ተዛሪቡ።

ኣፈፃሚ ስራሕ ክትትልን ቁፅፅርን ላዕለዋይ ትምህርቲ ቴክኒክን ሙያን እቲ በዓል መዚ ከፍያለው ኣድነው ንፋና ብሮድካስቲንግ ኮርፖሬት ከምዝገለፅዎ፥ እቲ ከይዲ ምምሃር ምስትምሃር ፅርየቱ ዝሓለወ ንክኸውን ዘኽእል ሓዱሽ መምርሒን መዐቀንን ተሰናዲኡ ኣሎ።

ስለዝኾነ ሕድሕድ ትካል ሓዱሽ መምርሒን መዐቀንን ካብ ዝቕፅል ዓመት ጀሚረን ተግባራዊ ክገብርኡ ኢየን ኢሎም።

ብተወሳኺ ዝምዝግበኦም ተምሃሮ ነቲ በዓል መዚ ናይ መፍላጥ ግቡእ ኣለወን ተባሂሉ።

ብዙፋን ካሳሁን