ትካል ገባሪ ሰናይ ትእምት ኣብ ክልል ትግራይ ንዝርከቡ ተመዛበልቲ ዝውዕል 100 ሚልዮን ብር ኣበርኪቱ
ኣዲስ ኣበባ፣ 5 ሓምለ፣ 2015 (ኤፍ ቢ ሲ)ገባሪ ሰናይ ትካል እግሪ ምትካል ትግራይ (ትእምት) ኣብ ክልል ትግራይ ንዝርከቡ ተመዛበልቲ ዝውዕል 100 ሚልዮን ብር ኣበርኪቱ።
እቲ ሓገዝ ርእሰ ምምሕዳር ግዚያዊ ምምሕዳር ክልል ትግራይ ኣይተ ጌታቸው ረዳ ተረኪቦምዎ።
“ትካላት ትእምት ካብ ዝነበረን ዕንወት ወፂአን ኣትረፍቲ ኣብ ዝኾናሉ እዋን ተረባሒ ክኸውን ዘለዎ ህዝቢ ትግራይ እዩ” ዝበሉ ኣይተ ጌታቸው ረዳ÷ ኣብዚ ሐዚ እዋን ኣብ ተመዛበልቲ እናጋጠመ ዝርከብ ከቢድ ጥሜትን ሞትን ንምምንካይ ዝተገበረ ሓገዝ ንኢዶም።
ብሰንኪ ኲናት ተመዚቢሎም ኣብ መዕቖቢ ተመዛበልቲ ከቢድ መነባብሮ ዝመርሑ ዘለው ተመዛበልቲ ወገናት ናብ መረበቶም ንምምላስ ኣብ ዝግበር ፃዕሪ÷ ትእምት ዝገብሮ ሓገዝ ኣጠናኺሩ ንኽቕፅል እውን ፃውዒት ምቕራቦም ካብ ቤት ፅሕፈት ግዚያዊ ምምሕዳር ክልል ትግራይ ዝረኸብናዮ ሓበሬታ የረደእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com