ኢትዮጵያን ህንድን ኣብ ዓውዲ ቡን ብሓባር ንምስራሕ ኣብ ዝኽእላሉ ዘተ ተኻይዱ
ኣዲስ ኣበባ፣ 19 ሰነ፣ 2015 (ኤፍ ቢ ሲ)ዋና ዳይሬክተር በዓል መዚ ቡንን ሻሂን ኢትዮጵያ (ዶ/ር) ኣዱኛ ደበላ ምስ ኣምባሳደር ህንዲ ኣብ ኢትዮጵያ ሽሪ ሮበርት ዘትዮም።
ኣብ ዘተኦም ድማ ኢትዮጵያን ህንድን ኣብ ዓውዲ ቡንን ሻሂን ብሓባር ክሰርሓ ዝኽእላሉ ኩነታት ተመያይጦም።
(ዶ/ር) ኣዱኛ ደበላ÷ ኢትዮጵያን ህንድን ነዊሕ እዋን ዝፀንሐ ዲፕሎማስያዊ ርክብ ዘለወን ሃገራት ስለዝኾና፤ ኣብ ብርክት ዝበሉ ጉዳያት ክተሓባበራን ክሰርሓን ዝፀንሓ ምዃነን ፀሪሖም።
ኣብ ኢትዮጵያ ኣብ ዓውዲ ቡንን ሻሂን ዝተዋፈሩ ህንዳውያን ኢንቨስተራት ምህላዎም እውን ገሊፆም።
ኣብቲ ዓውዲ ዝረኣዩ ፀገማት ብኸመይ መንገዲ ብሓባር ከምዝፍትሑን ብኸመይ ከምዝሰርሑን ብትኹረት ምዝታዮም እውን ተገሊፁ።
ኣምባሳደር ሽሪ ሮበርት ብግደኦም÷ ኣብ በዓል መዚ እቲ ቤት ዕዮ ዝርከብ ማእከል ስልጠና ቡን ተንቀሰቒሶም ዑደት ከምዝገበሩ ሓበሬታ እቲ በዓል መዚ የመላኽት።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com