መንግስቲ ጂቡቲ ናይ ክብሪ ኒሻን ፖሊስ እታ ሃገር ንኮሚሽነር ጀነራል ፖሊስ ፌደራል ደመላሽ ሸሊሙ
ኣዲስ ኣበባ፣ 17 ሰነ፣ 2015 (ኤፍ ቢ ሲ)መንግስቲ ጂቡቲ ናይ ክብሪ ኒሻን ፖሊስ እታ ሃገር ንኮሚሽነር ጀነራል ፖሊስ ፌደራል ኢትዮጵያ ደመላሽ ገ/ሚካኤል ሸሊሙ።
ንኮሚሽነር ጀነራል ፖሊስ ፌደራል ኢትዮጵያ ደመላሽ ገ/ሚካኤል÷ ካብ ቀዳማይ ሚኒስትር ጅቡቲ ኣብዱልቃድር ካሚል መሃመድ እቲ ናይ ፖሊስ ክብሪ ኒሻን ተቐቢሎም።
መበል 46 ዓመት መዓልቲ ምስረታ ብሄራዊ ፖሊስ ጂቡቲ ከምዝተኸበረ ካብ ፖሊስ ፌዴራል ዝረኸብናዮ ሓበሬታ የረድእ፡፡
ኮሚሽነር ጀነራል ደመላሽ ነቲ ሽልማት ዝበቕዑ÷ ሰላምን ድሕንትን ዶብ ኢትዮ-ጂቡቲ ድንበር ንምርግጋፅ ብፍላይ ዶብ ተሳገርቲ ገበናት ብሓባር ኣብ ምክልኻል ውፅኢት ስለዘምፅኡ ኢዩ ተባሂሉ፡፡
ካብዚ ብተወሳኺ ኣብ ሞንጎ ክልቲአን ሃገራት እናተፈጠረ ዝርከብ ርክብን ምትሕብባርን ብምጥንኻር ኣብቲ ዞባ ልዑል ለውጢ ንኽመፅእ ንዘበርከቱዎ ኣስተዋፅኦ ከምዝኾነ ተሓቢሩ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com