መገዲ ኣየር ኢትዮጵያ ናብ ፓኪስታን ከተማ ካራቺ ፈላማይ በረራ ገይሩ
ኣዲስ ኣበባ፣ 1 ግንቦት፣ 2015 (ኤፍ ቢ ሲ)መገዲ ኣየር ኢትዮጵያ ናብ ፓኪስታን ከተማ ካራቺ ድሕሪ 20 ዓመት ፈላማይ በረራ ገይሩ።
እቲ መገዲ ኣየር ሎሚ መዓልቲ ናብ ካራቺ ኣብ ዝገበሮ በረራ÷ ሚኒስትር ዴኤታ ጉዳያት ወፃኢ ኣምባሳደር ምስጋኑ ኣርጋን ካልኦት ላዕለዎት ሓለፍቲ ስራሕ መንግስቲ፣ ኣባላት ማሕበረሰብ ንግዲ፣ ኣባላት ማሕበረሰብ ናብ ፓኪስታን ከምተጓዓዙን ኣብ ከተማ ካራቺ እንትበፅሑ ድሙቕ ኣቀባብላ ከምዝተገበረሎምን ተገሊፁ።
ካራቺ ንመገዲ ኣየር ኢትዮጵያ ኣብ እስያ መበል 37 መባፅሕቲ እንትትከውን÷ ብሓፈሻ ናይ ውሽጢ ዓዲን ወፃኢን መባፅሒኡ ናብ 145 ንኸዓቢ ኣኽኢሉዎ።
ኣብ ፈለማ በረራ ናበ ካራቺ ዘምረሐ ላዕለዋይ ጉጅለ ልኡኽ ሓለፍቲ ስራሕ መንግስቲ÷ ሎሚ ኣብ ዝጅመር ፎረም ንግዲ ፓኪስታንን ኢትዮጵያን ከምዝሳተፍ ካብ ቤት ፅሕፈት ኣቐባሊ ቃል ሚኒስቴር ጉዳያት ወፃኢ ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube