ካብ ነበርቲ ከተማ ኣዲስ ኣበባ ንግድብ ህዳሰ ዝውዕል 518 ሚሊየን ብር ሓገዝ ተኣኪቡ
ኣዲስ ኣበባ፣ 1 ሚያዝያ፣ 2015 (ኤፍ ቢ ሲ)ኣብ ዝሓለፉ ትሽዓተ ኣዋርሕ ንህንፀፅ ግድብ ህዳሰ ዝውዕል 518 ሚሊየን ብር ሓገዝ ከምዝተኣከበ ቤት ፅሕፈት ፕሮጀክት መተሓባበሪ ተሳትፎ እቲ ግድብ ኣዲስ ኣበባ ኣፍሊጡ።
መበል 12 ዓመት ምንባር እምነ ሰረት ዓብዪ ግድብ ህዳሰ ኢትዮጵያ ምክንያት ብምግባር ብነበርቲ ክፍለ ከተማ የካ ሎሚ ዕለት ዝተፈላለዩ ስራሕቲ ልምዓት ተሳሊጦም፡፡
ኣብቲ መርሃ ግብሪ ዝተረከቡ ሓላፊ ቤት ዕዮ መተሓባበሪ ፕሮጀክት ህዝባዊ ተሳትፎ ዓብይ ግድብ ህዳሰ ኢትዮጵያ ምምሕዳር ከተማ ኣዲስ ኣበባ ኣይተ ምስክር ነጋሽ መልአኽቲ ኣመሓላሊፎም፡፡
ኣብ መልአኽቶም ድማ ህንፀት እቲ ግድብ ካብ ዝጅመር ክሳብ ሐዚ ካብ ነበርቲ ከተማ ኣዲስ ኣበባ 4 ነጥቢ 4 ቢሊየን ብር ብምእካብ ንህንፀት እቲ ግድብ ሓገዝ ከምዝተገበረ ኣብሪሆም፡፡
ሎሚ ዓመት ድማ ካብ ዝተፈላለዩ ነበርቲ ከተማ ኣዲስ ኣበባ 685 ሚሊየን ብር ንምእካብ ተሓሲቡ ኣብ ውሽጢ ትሻዓተ ወርሒ ጥራሕ 518 ሚሊየን ብር ምእካብ ከምዝተኽኣለ ተዛሪቦም፡፡
ኣብቲ መርሃ ግብሪ ዝተረኸባ ምክትል ፈፃሚት ስራሕ ክፍለ ከተማ የካ ፀሃይ ኪባሞ÷ እምነ ኩርናዕ ዓብዪ ግድብ ህዳሰ ኢትዮጵያ ካብ ዝተነበረሉ እዋን ጀሚሩ ሓገዝን ተሳትፎን ሕብረተሰብ ተጠናኺሩ ከምልቐፀለ ሓቢረን፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube