ፕሬዚዳንት ሳህለ ወርቅ ምስ ፕሬዚዳንት ዓለም ለኸ ኤጀንሲ ፀረ-መበረታትዒ ቅመማት ተዛቲየን
ኣዲስ ኣበባ፣ 20 መጋቢት፣ 2015 (ኤፍ ቢ ሲ)ፕሬዚዳንት ሳህለ ወርቅ ዘውዴ ንፕሬዚዳንት ዓለም ለኸ ኤጀንሲ ፀረ-መበረታትዒ ቅመማት ዊቶልድ ቦንካን ልኡኾምን ኣብ ቤት ፅሕፈተን ተቐቢለን ተዛቲየን።
ኣብ ዘተአን ድማ ኢትዮጵያን ዓለም ለኸ ኤጀንሲ ፀረ-መበረታትዒ ቅመማትን ብዝበለፀ ተቐራሪቦም ኣብ ቁፅፅር ፀረ-መበረታትዒ ቅመማት ክሰርሑ ዝኽእሉሉ ኩነታት ተመያይጠን፡፡
ካብዚ ብተወሳኺ እቲ ትካል ዝተፈላለዩ ሓገዛት ኣብ ዝግበረሉ ጉዳይ እውን ተዛቲየን፡፡
ኢትዮጵያ ኣብ ስፖርት ኣትሌቲክስ ናይ ነዊሕ እዋን ታሪኽ ዘለዋን ኣትሌት ኣበበ ቢቂላ ኣብ ማራቶን ሮም ካብ ዝዕወት ጀሚሩ ኣብ መድረኽ ዓለም ከምትፍለጥ ፕሬዚዳንት ሳህለ ወርቅ ኣብሪሀን፡፡
እቲ ትካል ኣብ ቁፅፅር ፀረ-መበረታትዒ ቅመማት ንዝገብሮም ሓገዛት ቴክኒክ ምስጋና ምቕራበን ካብ ቤት ፅሕፈት ፕሬዚዳንት ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube