ፋውንዴሽን “ኢዱኬሽን ኣበቭ ኦል” ኳታር ኣብ ኢትዮጵያ ፕሮጀክታት ትምህርቲ ብምድጋፍ ብሓባር ምስራሕ ኣብ ዝከኣለሉ ኩነታት ምኽክር ተኻይዱ
ኣዲስ ኣበባ ፣ 28 ለካቲት ፣ 2015 (ኤፍ ቢ ሲ)ፋውንዴሽን “ኢዱኬሽን ኣበቭ ኦል” ኳታርን መንግስቲ ፌዴራልን ኣብ ኢትዮጵያ ፕሮጀክታት ትምህርቲ ብምድጋፍ ብሓባር ምስራሕ ኣብ ዝከኣለሉ ኩነታት ምኽክር ተኻይዱ።
ሚኒስትር ዴኤታ ሚኒስቴር ጉዳያት ወፃኢ ኣምባሳደር ምስጋኑ ኣርጋ÷ ምስ ዋና ፈፃሚ ስራሕ ኣብ ጉዳይ ትምህርቲ ዝሰርሕ ፋውንዴሽን ፋሃድ ሃማድ ሓሰን ኣል-ሱላይቲ ኣብ ዶሃ ተዛቲዮም።
ኣብ ዘተኦም ድማ እቲ ፋውንዴሽን ብምኽንያት ጎንፂ ዝተጎድኡ ትካላት ትምህርቲ መሊስካ ኣብ ምህናፅ ክህልዎ ብዛዕባ ዝኽእል ግደ ከምዝተመያየጡ ሚኒስቴር ጉዳያት ወፃኢ ኣፍሊጡ።
ፋውንዴሽን “ኢዱኬሽን ኣበቭ ኦል” ከም ኣቆፃፅራ ኣውሮፓውያን 2012 ዝተጣየሸ እንትኸውን÷ ብብርኪ ዓለም ፅሬት ዘለዎን ንኹሉ ዝሓቁፍን ትምህርቲ ተበፃሒ ንምግባር ዝሰርሕ ትካል ኢዩ።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube