ኣብ ኣዲስ ኣበባ ወሰኽ ዋጋ ኣብ ልዕሊ ዝገበሩ 767 ትካላት ስጉምቲ ተወሲዱ

እቲ ግብሪ ሓይሊ ኣብ ዝሓለፉ መዓልቲታት ዕዉት ስራሕ እናሰርሐ ከምዝኾነ ዝተገለፀ እንትኸውን፥ ክሳብ ሕዚ ኣብ 14 ሺሕ ትካላት ንግዲ ስራሕቲ ንግዲ ክትትልን ቁፅፅርን ምግባሩ ድማ ካብ ቤት ፅሕፈት ፕሬስ ሴክሬታሪያት እቲ ከተማ ምምሕዳር ዝረኸብናዮ ሓበሬታ የረድእ።

ብዝተገበረ ሰራሕቲ ቁፅፅር፥ ልዕሊ 11 ፍርያታትን 12 ፋርማሲታትን ሓዊሱ ኣብ 767 ትካላት ንግዲ ስጉምቲ ምውሳዱ ሓላፊ ቢሮ ንግዲ ምምሕዳር ከተማ ኣዲስ ኣበባ ኣይተ ኣብዱልፈታ የሱፍ ተዛሪቦም።

ግቡእ ዘይኮነ ወሰኽ ዋጋ ምግባር፣ ተሓባቢርካ ዋጋ ምውሳን፣ ፍርያታት ምኽዛንን ምሕባእን ከምኡ እውን ኣብ ዝተፈላለዩ ፍርያታት ናህሪ ዋጋ ኣብ ዘስዕቡ ስራሕቲ ዝተዋፈሩ ትካላት ንግዲን ስጉምቲ ከምዝተወሰደ ኢዮም እቶም ሓላፊ ዝገለፁ።

እቶም ፀገም ዝፈጠሩ ትካላት፥ መጠን ጥፍኣቶም እናተረኣየ ካብ ምሕደራዊ ስጉምቲ ጀሚሩ ክሳብ ምዕሻግ ዝበፅሐ ስጉምቲ እናተወሰደሎም ምዃኑ እውን እቶም ሓላፊ ኣብሪሆም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana