ዓውዲ ቱሪዝም ንምንቕቓሕ ዝዓለመ ተንቀሳቓ ኤግዚቢሽን ተኸፊቱ
ኣዲስ ኣበባ፣ 17 ለካቲት ፣ 2015 (ኤፍ ቢ ሲ)ዝተዘሓሓለ ዓውዲ ቱሪዝም ንምንቕቓሕ ዝዓለመ ተንቀሳቓ ኤግዚቢሽን ተኸፊቱ።
“ሓድጊታትና ንዘላቒ ሰላምን ልምዓትን ሃገርና” ብዝብል መሪሕ ሓሳብ ዝተኸፈተ እቲ ኤግዚቢሽን፥ በዓል መዚ ሓለዋ ሓድጊ ኢትዮጵያን ቢሮ ባህሊ፣ ሓድጊን ቱሪዝምን ክልል ሃረሪን ኣሰናዲኦምዎ፡፡
ሓላፊ ቢሮ ባህሊ፣ ሓድጊን ቱሪዝምን ክልል ሃረሪ ተወለዳ ኣብዶሽ፥ እቲ ኤግዚቢሽን ኣብታ ሃገር ዘለዉ ሓድጊታት ኣብ ምፍላጥን ተበፃሕቲ ምግባርን ዕዙዝ ብፅሒት ከምዘለዎ ገሊፀን፡፡
ሕብረተሰብ ኣብ ኢትዮጵያዝርከቡ ሓድጊታት ብጭቡጥ ንኽግንዘብ ምግባር ኣብቲ ክልል ዝርከቡ ሓድጊታት ተሓሊዮም ናብ ወለዶ ክመሓላለፉ ምግባርን ዕላማ እቲ ኤግዘቢሽን ከምዝኾነ እውን ኣብሪሀን፡፡
እቲ ተንቀሳቓሲ ኤግዚቢሽን፥ ኣብቲ ክልል ፍሰት በፃሕቲ ንምድንፋዕን ቁፅሪ በፃሕቲ ውሽጢ ዓዲ ንምውሳኽን ዓብዪ ታራ ከምዝህልዎ ምግላፀን ካብ ኮሙኒኬሽን እቲ ክልል ዝረኸብናዮ ሓበሬታ የረድእ፡፡
ዋና ዳይሬክተር ብሄራዊ ሙዚየም ኢትዮጵያ ደምረው ዳኜ ብግደኦም÷ ካብ ሕብረተሰብ ሓሊፉ ተምሃሮ ኣብ ክፍሊ ካብ ዝረኽቡዎ ፍልጠት ብተወሳኺ ብተግባር ዝረኸቡዎም ክእለታት ንምድንፋዕ ዝሕግዝ ኤግዚቢሽን ከምዝኾነ ኣብሪሆም።
ንተከታተልቲ ሓሙሽተ መዓልቲታ ክፍቲ ኮይኑ ኣብ ዝፀንሕ ኤግዚቢሽን÷ ሉሲ (ድንቅነሽን) ሓዊሱ ካልኦት ሓድጊታት ንምርኢት ቀሪቦም፡፡
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube