ኣብ ክልል ኣምሓራ ካብ ሓምለ ክሳብ ፍርቂ መስከረም ልዕሊ 163 ሺሕ ሰባት ብዓሶ ተታሒዞም
ኣዲስ ኣበባ፣ 22 መስከረም፣ 2015 (ኤፍ ቢ ሲ)ኣብ ክልል ኣምሓራ ካብ 1 ሓምለ 2014 ዓ.ም ክሳብ ፍርቂ መስከረም 2015 ዓ.ም ልዕሊ 163 ሺሕ ሰባት ብሕማም ዓሶ ከምዝተትሓዙ ተገሊፁ።
ድሕሪ 15 መስከረም ዘጋጥም ለበዳ ሕማም ዓሶ ንምክልኻል ብምትኳር÷ ኢንስቲትዩት ጥዕና ሕብረተሰብ ክልል ኣምሓራ ምስ መዳርግቲ ኣካላት ተዛቲዩ።
ዋና ዳይሬክተር እቲ ኢንስቲትዩት ኣይተ በላይ በዛብህ÷ ንለበዳ ሕማም ዓሶ ተቓላዕቲ ኣብ ዝኾ ወረዳታትን ዞባታትን ብፍሉይ ኩነታት ናይ ምክልኻል ስራሕ እንተዘይተሰሪሑ ከቢድ ጉድኣት ከስዕብ ከምዝኽእል ኣብሪሆም።
ኣብ ዝሓለፈ ሰሙን ጥራሕ 3 ሺሕ ሰባት ብዓሶ ከምዝተትሓዙ ሪፖርት ከምዝተገበረ ገሊፆም።
ሓላፊ ቢሮ ጥዕና እቲ ክልል ኣይተ ኣብዲልከሪም መንግስቱ ብግደኦም÷ ዝርገሐ ለበዳ ሕማም ዓሶ ክብ ከምዝበለ ገሊፆም።
ኣብቲ መድረኽ ዘተ ኣብቲ ክልል ዝርከቡ ኩሎም ሓለፍቲ መምርሒ ጥዕና ተረኺቦም።
ብሰላም ኣስመላሽ
እዋናዊ ሓበሬታ ንምርካብ፦
ቴሌግራም https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com