ኣይተ ደመቀ መኮነን ንኣባላት ዲፕሎማቲክ ማሕበረሰብ ኣብ እዋናዊ ጉዳያት መብርሂ ሂቦም

ኣዲስ ኣበባ፣ 19 ነሓሰ፣ 2014 (ኤፍ ቢ ሲ)ምክትል ቀዳማይ ሚኒስትርን ሚኒስትር ጉዳያት ወፃኢን ኣይተ ደመቀ መኮነን ኣብ ኣዲስ ኣበባ ንዘለዉ ኣባላት ዲፕሎማቲክ ማሕበረሰብ ኣብ እዋናዊ ጉዳያት መብርሂ ሂቦም።

ኣይተ ደመቀ ኣብ ሰሜን ኢትዮጵያ ዘላቒ ሰላም ንምምፃእ ዝተገበሩ ፃዕሪታት ብዝምልከት ብስፍሓት ኣብሪሆም።

ብመንግስቲ ንሰብኣዊ ደገፍ ክበሃል ዝተገበረ በይናዊ ደው ምባል ተዂሲ ውሳነን ሰብኣዊ ሓገዝ ብዘይገደብ ናብ ትግራይ ምእታውን ኣብሪሆም።

ዘላቒ ሰለም ንምምፃእ ዓብዪ ኮሚቴ ኣማራፂ ሰላም ብምጥያሽ ናብ ስራሕ ከምዝኣተወ ኣፍሊጡ።

መንግስቲ ስምምዕነት ሳልሳይ ወገን ብቤት ፅሕፈት ውሕመ ብምፍፃም ከምኡውን ካብ ባንኪ ዓለም ብዝተረኸበ ደገፍ ፕሮጀክት ሓደጋ ግዘን እግሪ መትከሊን ኣብ ትግራይ ተግባራዊ ንክግበር ከምዝተስማዕመዐ ገሊፆም።

ይኹን እንበር ጉጅለ ህወሓት መንግስቲ ዝወሰዶም ኣማራፅታት ሰላም ንጎኒ ብምግዳፍ ኲናት ምኽፋቱን ዝወሃብ ሓገዝ ንኲናት የውዕል ከምዘሎን ገሊፆም።

እቲ ጉጅለ ብሕብረት ኣፍሪካ ዝተጀመረ ፃዕሪ ሰላም ብምድፋእ ናብ ኲናት ምእታዉ እውን ተዛሪቦም።

ስለዝኾነ ማሕበረሰብ ዓለም ነዚ ተግባር ብፅኑዕ ንከውግዝ ከምኡውን እቲ ጉጅለ ናብ ሰላም ኣማራፂ ንክመፅእ ድፍኢት ንክገብር ሓቲቶም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።