ብሄራዊ ቦርድ ምርጫ ኢትዮጵያ ኣፈ ጉባኤ ቤት ምኽሪ ፌዴሬሽን ነቲ ቦርድ ዘቕረቦ ሕቶ ምውዳብ ህዝበ ውሳነ ብዝምልከት ውሳነ ኣመሓላሊፉ

ኣዲስ ኣበባ፣ 18 ነሓሰ፣ 2014 (ኤፍ ቢ ሲ)ብሄራዊ ቦርድ ምርጫ ኢትዮጵያ ኣፈ ጉባኤ ቤት ምኽሪ ፌዴሬሽን ነቲ ቦርድ ብቑፅሪ ፌደም/ፈ/5/807 12 ነሓሰ 2014 ዓ.ም ብዝፀሓፎ ደብዳበ ዘቕረቦ ሕቶ ምውዳብ ህዝበ ውሳነ ብዝምልከት ውሳነ ኣመሓላሊፉ።

ትሕዝቶ እቲ ሕቶ፥ ኣብ ክልል ደቡብ ዝርከባ ዞባታት ጋሞ፣ ወላይታ፣ ጎፋ፣ ጌዴኦ፣ ኮንሶን ደቡብ ኦሞን ከምኡውን ፍሉያት ወረዳታት ቡርጂ፣ ኣማሮ፣ ደራሼ፣ ባስኬቶን ኣሌን ብሓባር ክልል ንምምስራት ዘቕረብኡ ኢዩ።

ስለዝኾነ ኣብ ውሽጢ ሰለስተ ኣዋርሕ ህዝበ ውሳነ ብምግባር ውፅኢቱ ናብ ቤት ምኽሪ ፌዴሬሽን ንክቐርብ ነቲ ቦርድ ኣፍሊጡ ነይሩ።

ብመሰረት እዚ እቲ ቦርድ ብዛዕባ እቲ ሕቶ ድሕሪ ምዝታዩ፥ ኣብያተ ምኽሪ እተን ዞባታትን ወረዳታትን ብዛዕባ እቲ ጉዳይ ዝሃብዎ ውሳነ፣ ናብ ቤት ምኽሪ ፌዴሬሽን ዘቕረብዎ ሕቶን ካልኦት ሰነዳትን ሓቲቱ።

ብተወሳኺ እቲ ህዝበ ውሳነ ዝካየደሉ ሰሌዳ እዋን ናይ ምድላው፣ ምፅዳቕን ከከምኣድላይነቱ ናይ ምምሕያሕሽን ምፍፃምን ስልጣን ናይቲ ቦርድ ጥራሕ ከምዝኾነ ሓቢሩ።

ስለዝኾነ ክግበሩ ዝግበኦም ቅድመ ኩነታት ብሙሉኦም ኣብ ግምት ዘእተወ ሰሌዳ ግዘ ብምውፃእ ነቲ ቤት ምኽሪ ከምዝልእኽ ኣፍሊጡ።

ፍልፍል፦ሮይተርስ

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።