መንግስቲ ኣብ ዝጀመሮ ትልሚ ልምዓ ዓስርተ ዓመት ንዘፈር ሕርሻ ቅድሚት ሂቡ እናሰርሐ ይርከብ – ኣምባሳደር ተሾመ ቶጋ

ኣዲስ ኣበባ፣ 29 ሓምለ፣ 2014 (ኤፍ ቢ ሲ)መንግስት ኣብ ዝጀመሮ ትልሚ ልምዓ ዓስርተ ዓመት ንዘፈር ሕርሻ ቅድሚት ሂቡ እናሰርሐ ከምዝርከብ ኣምባሳደር ኢትዮጵያ ኣብ ቻይና ተሾመ ቶጋ ገሊፆም።

እቶም ኣምባሳደር÷ ምስ ምክትል ዳይሬክተር ጄኔራል ማእኸል ምትሕብባር ኢኮኖሚያዊ ልምዓት ወፃኢ ቻይና ሊን ሁይፋንግ÷ ኣብ ዘፈር ሕርሻ ብምትሕብባር ንምስራሕ ዘኽእል ልዝብ ኣካይዶም፡፡

ኣምባሳደር ተሾመ ቶጋ ኣብቲ እዋን ዘተ÷ መንግስቲ ኢትዮጵያ ኣብ ዝጀመሮ ትልሚ ልምዓ ዓስርተ ዓመት ንዘፈር ሕርሻ ቅድሚት ሂቡ እናሰርሐ ምዃኑ ገሊፆም፡፡

ፕሮግራም ልምዓት ዓውዲ ሕርሻ ኣብ ማዕቐፍ ምትሕብባ ልምዓት ኣፍሪካ – ቻይና ፍሉይ ጠመተ ካብ ሞንጎ ዝተውሃበን ቀንዲ ሽቶታት ልምዓት እቲ ሓደ ከምዝኾነ ፀሪሖም።

ሊን ሁይፋንግ ብግደኦም፥ ቻይና ኣብ ኢንቨስትመንት ሕርሻ፣ ቴክኒኲ ኻገዝ፣ ኣብ ምፍላጥ ፍርያት ንኢትዮጵያ ትገብሮ ሓገዝ ኣጠናኺራ ከምትቕፅ ምግላፆም ካብ ኤምባሲ ኢትዮጵያ ኣብ ቻይና ዝረኸብናዮ ሓበሬታ የረድእ፡፡

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com