ክልል ኦሮሚያ ንዕዉትነት ሃገራዊ ምክክር ኣድላዪ ሓገዝክገብር ኢዩ – ርዕሰ ምምሕዳር ሽመልስ

ኣዲስ ኣበባ፣ 8 ሓምለ፣ 2014 (ኤፍ ቢ ሲ)ብሄራዊ ክልላዊ መንግስቲ ኦሮሚያ ንዕዉትነት ሃገራዊ ምክክር ኣድላዪ ዘበለ ሓገዝ ከምዝገብር  ርዕሰ ምምሕዳር እቲ ክልል ኣይተ ሽመልስ ኣብዲሳ ኣረጋጊፆም።

ርዕሰ ምምሕዳር እቲ ክልል ኣይተ ሽመልስ ኣብዲሳ ምስ ኣባላት ኮሚሽን ሃገራዊ ምኽክር ኣብ ዝተፈላለዩ ዛዕባታት ተዛሪዮም፡፡

እቶም ርእሰ ምምሕዳር፥ ኢትዮጵያ ብዝተፈተላለዩ ፈተናታት ትፈትን እምበር እቶም ፀገማት ናብ ዕድል እናለወጠት ከምትርከብ ኣብሪሆም፡፡

ኣብ ቀፃሊ ዘጋጥሙ ማሕለኻታት ብሓድነትን ምትሕብባርን ህዝባ ብምፍታሕ ዝበረታታዕ ውፅኢት ከምተምዝግብ ዘለዎም እምነት ገሊፆም፡፡

ኮሚሽነር እቲ ኮሚሽን ፕሮፌሰር መስፍን ኣርኣያ ብግደኦም፥ እቲ ሃገራዊ ምኽክር ኣብ ሃገራዊ ጉዳያት ርኢቶ ህዝቢ መሰረት ብምግባር ናፃ፣ መካተቲን ተኣማኒን ብዝኾ መልክዑ ከምዝካየድ ተዛሪቦም፡፡

ፕሮፌሰር መስፍን ብኣፋን ኦሮሞ ዝተተርጎመ ኣዋጅ ኮሚሽን ሃገራዊ ምኽክር ንርእሰ ምምሕዳር ሽመልስ ኣብዲሳ ከምዘረከቡዎም ካብ ቢሮ ኮሙዩኒኬሽን እቲ ክልል ዝረኸብናዮ ሓበሬታ የረድእ፡፡

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com