ቀዳማይ ምዕራፍ መዛዘሚ መርሃ ግብሪ ምእካብ መፃሕፍቲ ኣብርሆት  ተኻይዱ

ኣዲስ ኣበባ፣ 26 ሰነ፣ 2014 (ኤፍ ቢ ሲ)ንሓደ ወርሒ ዝተኻየደ መርሃ ግብሪ ምእካብ መፃሕፍቲ ቤተ መፃሕፍቲ ኣብርሆት መዕፀዊ ቀዳማይ ምዕራፍ  ተኻይዱ፡፡

ኣብቲ መርሃ ግብሪ ኣማኻሪ ማህበራዊ ጉዳያት ቀዳማይ ሚኒስትር ሙሃዘ ጥበባት ዲያቆን ዳንኤል ክብረት፣ ፕሬዚዳንት ዩኒቨርሲቲ ኣዲስ ኣበባ  ፕሮፌሰር ጣሰው ወልደሃና፣ ሓላፊ ቢሮ ኮሙኒኬሽን ምምሕዳር ከተማ ኣዲስ ኣበባ ዮናስ ዘውዴ፣ ከምኡ እውን ፃውዒት ዝተገበረሎም ኣጋይሽን ተምሃሮን ተረኺቦም፡፡

ሙሃዘ ጥበባት ዲያቆን ዳንኤል ክብረት ኣብቲ መርሃ ግብሪ ኣብ ዝገርዎ መደረ÷ መፃሕፍቲ ምውሃብ ከም ባህሊ ተገይሩ ክቕፅል ከምዝግባእ ገሊፆም፡፡

ምእካብ መፃሕፍቲ ብካሊእ ምዕራፍ ከምዝቕፅል እውን ሓቢሮም፡፡

ንቤተ-መፃሕፍቲ ኣብርሆት “ሚሊየን መጻሕፍቲ ንሚሊኒየም ትውልዲ” ብዝብል ጭርሖ ንሓደ ወርሒ ዝፀንሕ መርሃ ግብሪ ምእካብ መፃሕፍቲ ብዕሊ ከምዝጀመረ ይዝከር፡፡

እቲ መርሃ ግብሪ ካብ 28 ሚያዝያ ክሳብ 29 ግንቦት ዝፀንሐ እንትኸውን፤ 4 ሚሊየን መፃሕፍቲ ናይ ምኽኣል ዓቕሚ ዘለዎ ቤተ-መፃሕፍቲ ኣብርሆት ንምምላእ ዝዓለመ እዩ፡፡

ድሕሪ ምዝዛም ህንፀት ቤተ-መፃሕፍቲ ኣብርሆት ኣብ ኢድ ውልቀሰባት ዝርከቡ ህትመቶም ዘይተወደአን ኣብ ዕዳጋ ዘይርከቡ መፃሕፍትታት ካብ ማሕበረሰብ ይእክብ ከምዝነበረ ተገሊፁ፡፡

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com