ጋንታ ኩዕሾ እግሪ ቅዱስ ጊዮርጊስ ሻምፒዮና ቤት ኪንግ ፕሪሜርሊግ ኢትዮጵያ ኮይና

ኣዲስ ኣበባ፣ 24 ሰነ፣ 2014 (ኤፍ ቢ ሲ)ጋንታ ኩዕሾ እግሪ ቅዱስ ጊዮርጊስ ሻምፒዮና ቤት ኪንግ ፕሪሜርሊግ ኢትዮጵያ 2014 ዓ.ም ኮይና።

ሎሚ መዓልቲ ኣብ ዝተኻየደ ናይ መወዳእታ መበል 30 ፀወታ ጋንታ ቅዱስ ጊዮርጊስ ምስ ኣዲስ ኣበባ ከተማ ተራኺባ 4 ን 0 ብዝኾነ ውፅኢት ብምስዓር ሻምፒዮና ክትከውን ክኢላ።

ጋንታ ቅዱስ ጊዮርጊስ ተዓዊታ ንኽትወፅእ ኢስማኤል ኦሮ ኣጎሮ ኣብ መበል 17ን 54ን ደቒቕ፣ ኣማኑኤል ገብረሚካኤል ኣብ መበል 89ን 93 ደቒቕ ኣመዝጊቦምወን።

ብኻሊእ መዳይ ጋንታ ኣደስ ኣበባ ከተማ ሳልሰይቲ ካብቲ ሊግ ዝተሳነበተት ጋንታ ኮይና።

ክሳብ መወዳእታ ሰሙን እናተናሓነሐት ዝፀንሐት ጋንታ ፋሲል ከነማ ሎሚ መዓልቲ ብጋንታ ድሬዳዋ ከነማ 3 ን 2 ተሳዒራ ክልአይቲ ብምዃን ውድድራ ዛዚማ።

እዋናዊ ሓበሬታ ንምርካብ፦

ቴሌግራም https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com