ቀዳማይ ሚኒስትር ኣቢይ ኣብ ወተሃደራዊ ኣካዳሚ ኢትዮጵያ መዓርግ ምክትል ሓለቓ ሚኢቲ ንዝረኸቡ ተመረቕቲ ናይ እንኳዕ ደስ በለኩም መልእኽቲ ኣመሓላሊፎም

ኣዲስ ኣበባ፣ 22 ግንቦት፣ 2014 (ኤፍ ቢ ሲ)ቀዳማይ ሚኒስትር ኣቢይ ኣሕመድ ኣብ ወተሃደራዊ ኣካዳሚ ኢትዮጵያ መዓርግ ምክትል ሓለቓ ሚኢቲ ንዝረኸቡ ተመረቕቲ ናይ እንኳዕ ደስ በለኩም መልእኽቲ ኣመሓላሊፎም።

እቶም ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ እቶም ተመረቕቲ ኣብ ቀፃሊ ጉዕዝኦም፣ ካብ ፍቕሪ ሃገር ዝፍልፍል ዕላማን በቢዕለቱ ዝምዕብል ፍልጠትን ንከማዕብሉ ሓደራ ኢሎም።

ጅግንነት ካብ ማንነት ኢትዮጵያ ዝተወረሰ ኢዩ ብምባል፥ ካብ ሕድ ሕድ ተመራቒ እዚ ትፅቢት ይግበር ኢሎም።

እቲ ኣካዳሚ ንመበል 69 ዙር ዘሰልጠኖም ሕፁያት ወተሃደራዊ መኮነን ኢዩ ኣመሪቑ።