ብዘይሕጋዊ መገዲ እናተጓዓዘ ዝነበረ ልዕሊ 5 ሺሕን 100 ተተኮስቲ ጠያይቲ ተታሒዞም

ኣዲስ ኣበባ፣ 19 ግንቦት፣ 2014 (ኤፍ ቢ ሲ)ብዘይሕጋዊ መገዲ እናተጓዓዘ ዝነበረ ልዕሊ 5 ሺሕን 100 ተተኮስቲ ጠያይቲ ከምዝተትሓዙ ቤት ፅሕፈት ፖሊስ ምምሕዳር ብሄረሰብ ዋግህምራን ፍሉይ ወረዳ ኣርጎባን ኣፍሊጡ።

ምክትል ኮማንደር እቲ ቤት ፅሕፈት መሓመድ ባህሪታ ከምዝገለፁዎ፥ ካብ ህዝቢ ብዝበፅሐ ሓበሬታ ብቤት ፅሕፈት ፖሊስ እታ ወረዳ ብዝተገበረ ክትትል 1 ሺሕን 900 “ኢንፎርት” ተተኮስቲ ጠያይቲን 60 ጠያይቲ ክላሽን ብድምሩ 1 ሺሕን 960 ተተኮስቲ ጠያይቲ ተታሒዞም።

እቶም ጠያይቲ ዝፀዓነት ባጃጅ ኬላ ጥሒሳ ካብ ኣካላት ፀፅታ ንምምላጥ ፈተነ ገይሩ ነይሩ ተባሂሉ፡፡

ብተመሳሳሊ ኣብ ምምሕዳር ዋግህምራ ወረዳ ጋዝጊብላ ሓደ ውልቀ ሰብ ኣብ ከባቢ “ላልኪው” ዝርከብ ኬላ ብካሊእ መገዲ ብምስባር ብዘይሕጋዊ መገዲ 2 ሺሕን 141 ጠያይቲ ክላሽ ብኻሻ ጠቕሊሉ ናብ ላስታ ከሳግር እንትፍትን ብቤት ፅሕፈት ፖሊስ እታ ወረዳ ኣብ ትሕቲ ቁፅፅር ውዒሉ፡፡

ተጠርጠርቲ ኣብ ትሕቲ ቁፅፅር ሕጊ ውዒሎም ጉዳዮም እናተፃረየ ከምዝርከብ ተሓቢሩ፡፡