ትካላት ሃይማኖት ኣብ ልቢ ሰዓብቶም ፍቕሪን ሰላምን ንኸዓስል ግደኦም ክፃወቱ ይግባእ – መልኣከ ሃይል  ገብረክርስቶስ

ኣዲስ ኣበባ፣ 2 ጉንበት፣ 2014 (ኤፍ ቢ ሲ)ትካላት ሃይማኖት ኣብ ልቢ ሰዓብቶም ፍቕሪን ሰላምን ንኸዓስል ግደኦም ክፃወቱ ከምዝግባእ ኣገልጋሊ ቤተ ክርስትያን ኦርቶዶክስ ዴንቨር መልኣከ ሃይል ገብረክርስቶስ ገሊፆም።

ምስ ቴሌቪዥን ፋና ብሮድካስቲንግ ኮርፖሬት መደብ ቋንቋ ትግርኛ ፃንሒት ዝገበሩ መልኣከ ሃይል  ገብረክርስቶስ፥ “ሓደ ናይ ቤተ ክርስትያን ሰብ ብዛዕባ ፍቕሪን ሰላምን እንትሰብኽ ወዲ ሰብ ብፍቕሪን ሰላምን ህይወቱ ክመርሕ ከምዝግባእ ፈጣሪ ዝኣዘዞ ተግባር እናፈፀመ ከምዝኾነ ክርዳእ ኣለዎ” ክብሉ ኣገንዚቦም።

ሰላምን ፍቕርን ካብ ገዛ ከምዝጅምርን እዚ ተደሚሩ ሃገር ከምዝኸውንን ዝሓበሩ መልኣከ ሃይል ገብረክርስቶስ፥ ደቂ ሰባት ካብ ገዝኦም ጀሚሮም ነኒባዕሎም ተኸባቢሮም ክነብሩ ከምዝግባእን መራሕቲ ስድራ ድማ ቀንዲ ተዋሳእቲ ክኾኑ ከምዘለዎምን ኣገንዚቦም።

“ኩሎም መራሕቲ ኣቦያተ እምነት፣ መራሕቲ ፓርቲታትን ውድባትን ንሰዓብቶም ፍቕሪ፣ ሰላምን ሓድነትን ክሰብኩ ይግባእ፤ መንእሰይ ወለዶ ድማ ነዚኦም ዝዕንቅፉ ኣካላት ኣትሩሩ ክቃለስ፤ ኣምባሳደራት ሰላም ክንከውን ይግባእ” ክብሉ ገሊፆም።

ንኢትዮጵያ፦ ነልምዕ፣ ንህነፅ፣ ንዳሎ!

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።