ሰራዊት ምክልኻል ዝጀመሮ ጉጅለ ግብረ ራዕዲ ናይ ምድምሳስ ስራሕ ኣጠናኺሩ ከምዝቐፀለ ተገሊፁ

ኣዲስ ኣበባ፣ 30 ነሓሰ፣ 2013 (ኤፍ ቢ ሲ)ሰራዊት ምክልኻል ኢትዮጵያ ዝጀመሮ ጉጅለ ግብረ ራዕዲ ናይ ምድምሳስ ስራሕ ኣጠናኺሩ ከምዝቐፀለ ተገሊፁ።

በዚ ድማ እቲ ሰራዊት ሰፊሕ ስጉምቲ ፀረ መጥቃዕቲ ኣጠናኺሩ ከምዝቐፀለ ዳይሬክተር ርክብ ህዝቢ ሰራዊት ምክልኻል ኮሎኔል ጌትነት ኣዳነ ገሊፆም።

ግብረ ራዕዲ ህወሓት ውሳነ በይናዊ ምቁራፅ ተኹሲ መንግስቲን ንህዝቢ ትግራይ ዝተውሃቦ እዋን ፅምዋንን ብዘይምቕባል ኣብ ክልላት ኣምሓራን ዓፋርን ወረራ ብምፍፃም ዘስካሕኽሕ ግፍዒ እናፈፀመ ፀኒሑ ኢዩ ኢሎም።

እቶም ዳይሬክተር ርክብ ህዝቢ፥ ሰራዊት ምክልኻል ስትራቴጂካዊ ቦታታት ሒዙ ኣብ ምክልኻል ቁመናን ንባዕሉ ንቐፃሊ ወፍሪ እናዳለወን ከምዝፀንሐ ኣብሪሆም።

ኣብዚ ሕዚ እዋን ካብ ቁመና ምክልኻል ናብ ፀረ-መጥቃዕቲ ብምስግጋር እቲ ግብረ ራዕዲ ወረራ ካብ ዝፈፀመሎም ቦታታት ኩሎም ፀራሪግካ ንምውፃእ መጥቃዕቲ ከምዝጀመረ ምግላፆም ካብ ፌስቡክ ገፅ ሰራዊት ምክልኻል ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።