ኮሚሽን ፖሊስ ቤት ህንፀት ክልል ሶማሌ ሓዱሽ ደምቢ ክዳን፣ መዓርግን ኣርማን ኣመሪቑ

ኣዲስ ኣበባ፣ 30 ነሐሰ፣ 2013 (ኤፍ ቢ ሲ)ኮሚሽን ፖሊስ ቤት ህንፀት ክልል ሶማሌ ብሓዱሽ መልክዕ ዝቐየሮ ደምቢ ክዳን፣ መዓርግን ኣርማን ሎሚ መዓልቲ ኣብ ጂግጂጋ ከተማ ኣመሪቑ።

ኣብቲ ስነ-ስርዓት ርእሰ ምምሕዳር እቲ ክልል ኣይተ ሙስጠፌ መሓመድ፣ ኮሚሽነር ጀነራል ኮሚሽን ፖሊስ ቤት ህንፀት ፌዴራል ዳመነ ዳሮታ፣ ኮሚሽነር ኮሚሽን ቤት ህንፀት እቲ ክልል ኣይተ በሽር ኣሕመድ ከምኡ እውን ዓበይቲ ዓዲን ኣባላት ፖሊስ ሰራዊት እቲ ኮሚሽን ተረኺቦም።

እቶም ኣመራርሓታት፥ እቲ ቤት ህንፀት ካብ ዝጣየሽ ጀሚሩ ክሳብ ሕዚ ዝበፅሖ ከይዲን በተሃነፅቲ ዝተሰርሑ ስራሕቲን ንምርኣይ ዝተዳለወ ዓውደ ምርኢት እውን ጎብኒዮም።

ኣብቲ መርሃ ግብሪ፥ ኣይተ ሙስጠፌ መሓመድ ኣብቲ ክልል ለውጢ ንኽመፅ ንዝሰርሑዎ ስራሕ ኮሚሽነር ጀነራል ደመነ ዳሮታ ፍሉይ ሽልማት ዘበርከቱሎም እንትኾኑ፥ ንኮሚሽነር ኮሚሽን ቤት ህንፀት ክልል ሶማሌ በሽር ኣሕመድ እውን መበረታትዒ ሽልማት ከምዝተበርከተሎም ካብ መራኸቢ ሓፋሽ እቲ ክልል ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።