ሰብ ሃፍቲ ወፃኢ ኣብ ኢትዮጵያ መዋእለ ንዋዮም ንኸፍስሱ ዘበረታትዑ ምምሕያሻት ፖሊሲ ተገይሮም ኢዮም – ቀ/ሚ ኣቢይ
ኣዲስ ኣበባ ፣ 21 ነሓሰ፣ 2013 (ኤፍ ቢ ሲ)ሰብ ሃፍቲ ወፃኢ ኣብ ኢትዮጵያ ኢንቨስት ንኽገብሩ ዘበረታትዑ ምምሕያሻት ፖሊሲ ከምዝተገበረ ቀዳማይ ሚኒስትር ኣቢይ ኣሕመድ ገሊፆም።
ጉባኤ ምትሕብባር ኢንቨስትመንት ጀርመን-ኣፍሪካ ሎሚ መዓልቲ ብኣካቢነት መራሂተ መንግስቲ ጀርመን ኣንጌላ መርክል ብመርበብ ሓበሬታ ተኻይዱ፡፡
ኣብቲ ጉባኤ ቀዳማይ ሚኒስትር ኣቢይ ኣሕመድ ሓዊሱ መራሕቲ ዝተፈላለያ ሃገራት ኣፍሪካ ተሳቲፎም፡፡
ቀዳማይ ሚኒስትረ ኣቢይ ኣብቲ ጉባኤ ኣብ ዝገበሩዎ ዘረባ፥ ኢትዮጵያ ሃገር በቆል ምምሕያሽ ኢኮኖሚ ብምግባር ፅዕንቶ ዕዳ ወፃኢ ክትንኪ ከምዝኸኣለት ኣብሪሆም፡፡
ፈጠራ ስራሕ ውሽጢ ዓዲ ንምብርትታዕ እውን ዝተፈላለዩ ስራሕቲ ከምዝተሳለጡ ኢዮም እቶም ቀዳማይ ሚኒስትር ዝገለፁ፡፡
ኣብ ዓውዲ ኢንቨስትመንት፥ ሰብ ሃፍቲ ወፃኢ ኣብ ኢትዮጵያ መዋእለ ንዋዮም ንኸፍስሱ ዘበረታትዑ ምምሕያሻት ፖሊሲ ከምዝተገበሩ ኣብ ዘረበኦም ሓቢሮም፡፡
ክፋል ዘፈር ቴሌኮም ናብ ውልቀ ሰብ ሃፍቲ ክዛወር ምግባሩ ከም ኣብነት ኣልዒሎም።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/c/fanabroadcastingcorporate/ሰብስክራይብ ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።