ባንኪ ዓለም ንዓውዲ ትምህርቲ ኢትዮጵያ ዝገብሮ ደገፍ ኣጠናኺሩ ከምዝቕፅል ኣረጋጊፁ

ኣዲስ ኣበባ፣ 20 ሓምለ፣ 2013 (ኤፍ ቢ ሲ)ባንኪ ዓለም ንላዕለዎት ትምህርቲ ኢትዮጵያን ዓውዲ ቴክኒክን ሙያ ትምህርትን ስልጠናን  ትምህርቲ  ዝገብሮ ደገፍ ኣጠናኺሩ ከምዝቕፅል ኣረጋጊፁ።

ብሚኒስትር ሳይንስን ላዕለዎት ትካላት ትምህርቲን ዶክተር ሳሙኤል ኡርቃቶ ዝምራሕ ጉጅለ ልኡኽ መንግስቲ ኢትዮጵያ ምስ ዋና ዳይሬክተር ባንኪ ዓለም ኣብ ኢትዮጵያ፣ ኤርትራ፣ ሱዳንን ደቡብ ሱዳንን ሚስተር ኡስማን ዲዮን ዝምራሕ ኣብ ኢትዮጵያ ቤት ፅሕፈት ባንኪ ዓለም ጉጅለ ስራሕ ተዛቲዮም።

ሚኒስትር ሳይንስን ላዕለዎት ትካላት ትምህርቲን ዶክተር ሳሙኤል ኡርቃቶ፥ ጉጅለ ባንኪ ዓለም ንላዕለዎት ትካላት ትምህርቲ ኢትዮጵያ ከምኡውን ቴክኒክን ሙያ ትምህርትን ስልጠናን ብፍላይ ንምብራቕ ኣፍሪካ ሽግግር ክእለትን ንቀጣናዊ ምትእስሳርን ፕሮጀክት ዝገብሮ ዘሎ ደገፍ አመስጊኖም።

እቲ ፕሮጀክት ኣብ ዝተትሓዘሉ እዋን ብፅርየት ንክዛዘም ኣድላዪ ደገፍ ከመዝገብሩ ኣረጋጊፆም።

ባንኪ ዓለም ንዓውዲ ትምህርቲ ኢትዮጵያ ዝገብሮ ደገፍ ኣጠናኺሩ ከምዝቕፅል እውን ዘለዎም እምነት ገሊፆም።

ዋና ዳይሬክተር ባንኪ ዓለም ኣብ ኢትዮጵያ፣ ኤርትራ፣ ሱዳንን ደቡብ ሱዳንን ሚስተር ኡስማን ዲዮን ብግደኦም፥ እቶም ፕሮጀክቲታት ብመሰረት ዝተትሓዘሎም ትልሚ ይፍፀሙ ዘለዉ ምዃኖም ገሊፆም።

ባንኪ ዓለም ንዓውዲ ትምህርቲ ኢትዮጵያ ዝገብሮ ደገፍ ኣጠናኺሩ ከምዝቕፅል ምርግጋፆም ካብ ሚኒስቴር ሳይንስን ላዕለዎት ትካላት ትምህርቲን ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።