ኒውዮርክ ታይምስን ኣሶሼትድ ፕሬስን ህወሓት ህፃናት ኣብ ውትድርና ምጥቃሙ ንኢዶም ምፅብፃቦም ዘሕዝን ኢዩ – ቢልለኔ ስዩም

ኣዲስ ኣበባ ፣ 8 ሓምለ፣ 2013 (ኤፍ ቢ ሲ)ኒውዮርክ ታይምስን ኣሶሼትድ ፕሬስን ህወሓት ህፃናት ኣብ ውትድርና ምጥቃሙ ንኢዶም ምፅብፃቦም ዘሕዝን ከምዝኾነ ሴክሬታሪ ቤት ፅሕፈት ፕሬስ ሴክሬታሪያት ቀዳማይ ሚኒስትር ቢልለኔ ስዩም ገሊፀን።

ቢለኔ ኣብ ማሕበራዊ ትዊተር ገፀን ኣብ ዝፀሓፈኦ መልእኽቲ፥ “ኒውዮርክ ታይምስን ኣሶሼትድ ፕሬስን ኣብ ፀብፃቦም ህወሓት ህፃናት ኣብ ውትድርና ምጥቃሙ ንኢዶም ምፅብፃቦም ዘሕዝን ኢዩ” ኢለን።

ኒውዮርክ ታይምስን ኣሶሼትድ ብተደጋጋሚ ግብረ ራዕዲ ህወሓት ዝምልከቱ ሚዛናዊ ዘይኮኑ ናይ ሓደ ወገን ፀብፃባት እናሰርሑ ፀኒሖም ኢዮም ኢለን።

ብፍላይ ሰራዊት ምክልኻል ንውሳነ በይናዊ ምቁራፅ ተኹሲ መንግስቲ ስዒቡ ካብቲ ክልል ምስ ወፅአ ኣብ ልዕሊ ንፁሃን ዜጋታት ከምኡ እውን ኣብ ልዕሊ ኤርትራውያን ስደተኛታት ዝፍፀሙ ቅትለታትን ስርቂታትን ብሱቕታ ከምዝሓለፉዎ ገሊፀን።

ኣብዚ ሰሙን እቲ ግብረ ራዕዲ ትካል ስጉምቲ በይናዊ ምቁራፅ መንግስቲ ንደሓር ብምባል ኣብ ልዕሊ ክልላት ኣምሓራን ዓፋርን መጥቃዕቲ እናፈፀመ ምዃኑ ብምንኣድ ህወሓት ግዝኣቱ ኣምሊሱ ዝብሉ ፀብፃባት እናሰርሑ ከምዝኾኑ ተዛሪበን።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።