ኣብ ዝጣየሽ ሓዱሽ ፓርላማ ውፅኢታዊ ንኽኸውን ዝሕግዝ ቤት ፅሕፈት ክህሉ ይግባእ ተባሂሉ

ኣዲስ ኣበባ ፣ 5 ሓምለ፣ 2013 (ኤፍ ቢ ሲ)ኣብ ዝጣየሽ ሓዱሽ ፓርላማ ውፅኢታዊ ንኽኸውን ዝሕግዝ ቤት ፅሕፈት ክህሉ ይግባእ ተባሂሉ።

ኣብ ከተማ ቢሾፍቱ ዝተኻየደ መድረኽ ዘተ፥ ኣፈ ጉባኤ ባይቶ ወከልቲ ህዝቢ ኣይተ ታገሰ ጫፎ፣ ምክትል ኣፈ ጉባኤ ወይዘሮ ሽታየ ምናለ ሓዊሱ ላዕለዎት ኣመራርሓታት እቲ ባይቶን ቤት ፅሕፈትን ተሳተፍቲፎም፡፡

ኣብዚ ሕዚ እዋን ዘሎ ውዳበ ቤት ፅሕፈት ብምክላስ ኣማራፂ ኣወዳድባ ብሰብ ሞያ ተፀኒዑ ዝቐረበ እንትኸውን፥ እቲ መፅናዕቲ ካብ ቤት ፅሕፈታት ፓርላማ ህንዲ፣ ደቡብ ኣፍሪካ፣ ቦትስዋናን እንግሊዝን ከም ተሞክሮ ዝዳህሰሰ ከምዝኾነ እቲ መፅናዕቲ ዘቕረቡ ሰባት ገሊፆም፡፡

ከም ገለፃ መቕረብቲ እቲ መፅናዕቲ፥ ንኢትዮጵያ ካብ ዘለዎ ኣድላይነት ከምኡ እውን ዓቕሚ ብዘገናዘበ መልክዑ ናይተን ሃገራት ልምዲ ብምርኣይ ዝዳሎ ውዳበ እቲ ባይቶ ብምዝማን ውፅኢታዊ ስራሕ ንኽስራሕ ዝሕግዝ ኢዩ፡፡

እቲ ኣወዳድባ በይኑ ውፅኢታዊ ክኸውን ከምዘይኽእልን ምሕደራ ሓይሊ ሰብን ፍትሓዊ ድልድል መምርሒን ኣብ ምስንዳእ ልዑል ትኹረት ክወሃቦ ከምዝግባእ ምግላፁ ካብቲ ባይቶ ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።