ቀ/ሚ ኣቢይ ኣብ ትግራይ ሰብኣዊ ሓገዝ ንምብፃሕ ዘኽእል ኩነታት ንምጥዕዓም ቃል ምእታዎም ኣንቶኒዮ ጉቴሬዝ ንኢዶም

ኣዲስ ኣበባ፣ 3 ሓምለ፣ 2013 (ኤፍ ቢ ሲ)ቀዳማይ ሚኒስትር ኣቢይ ኣሕመድ ኣብ ትግራይ ሰብኣዊ ሓገዝ ንምብፃሕ ዘኽእል ኩነታት ንምጥዕዓም ቃል ምእታዎም ዋና ፀሓፊ ውድብ ሕቡራት መንግስታት ኣንቶኒዮ ጉቴሬዝ ንኢዶም።

ክልቲኦም መራሕቲ ኣብ ትግራይ ብዛዕባ ዘሎ እዋናዊ ኩነታት ብዝምልከት ተዛቲዮም።

ቀዳማይ ሚኒስትር ኣቢይ፥ ትካላት ረዲኤት ኣብ ትግራይ ንዝገብርኡ ሰብኣዊ ሓገዝ ኣድላዪ ደገፍ ከምዝገብሩ ኣብ እዋን እቲ ዘተ ተዛሪቦም።

መራኸብቲን ኣቕርቦት ሓይሊ ኤሌክትሪክን ብህፁፅ ንምጅማር ቃል ከመዝኣተዉ እውን ተሓቢሩ።

ዋና ፀሓፊ ውድብ ሕቡራት መንግስታት ኣንቶኒዮ ጉቴሬዝ፥ ቀዳማይ ሚኒስትር ኣቢይ ኣብ ትግራይ ሰብኣዊ ሓገዝ ንምብፃሕ ዘኽእል ኩነታት ንምጥዕዓም ቃል ምእታዎም ንኢዶም።

ኣብቲ ክልል ንዝግበር ስራሕቲ ሕርሻ ዓሊሙ ውሳነ ተዂሲ ደው ናይ ምባልን ሰብኣዊ ሓገዝ ንምግባር ኣገልግሎት በረራ ምፍቃዱን ዝነኣድ ኢዩ ኢሎም ከብል ኣብ ድረ ገፅ ውድብ ሕቡራት መነገስታት ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።