ሰብ ሃፍቲ ኣዲስ ኣበባ ንሰራዊት ምክልኻል ዝኸውን ልዕሊ 1 ቢሊየን ብር ሓገዝ ንምትእኽኻብ ቃል ኣቲዮም

ኣዲስ ኣበባ፣ 2 ሓምለ፣ 2013 (ኤፍ ቢ ሲ)ኣብ ኣዲስ ኣበባ ዝነብሩ ሰብ ሃፍቲነ ማሕበረሰብ ንግዲን ንሰራዊት ምክልኻል ፌዴሪኢ ዝኸውን ልዕሊ 1 ቢሊየን ብር ሓገዝ ንምትእኽኻብ ቃል ኣቲዮም።

ምምሕዳር ከተማ ኣዲስ ኣበባ ኣብ እዋናዊ ኩነታት ኢትዮጵያ ኣድሂቡ ምስ ሰብ ሃፍቲ መድረኽ ዘተ ኣካይዱ፡፡

ኣብቲ መድረኽ ዘተ፥ ኣብ ሰራዊት ምክልኻል ፌዴሪኢ ዋና መተሓባበሪ ስራሕቲ ህንፀት ሰራዊት ሌተና ጄነራል ባጫ ደበሌን ምክትል ከንቲባ ወይዘሮ ኣዳነች ኣቤቤ ተረኺቦም፡፡

ምክትል ከንቲባ ወይዘሮ ኣዳነች ኣቤቤ፥ ሰብ ሃፍቲን ኣባላት ማሕበረሰብ ንግዲን ኣዲስ ኣበባ ብልዑል ሃገራዊ ስምዒት ንጅግና ሰራዊት ምክልኻልን ግድብ ህዳሰን ዝኸውን ሓገዝ ንምግባር ቃል ከምዝኣተዉ ኣብ ትዊተር ገፀን ፅሒፈን።

ኣብ ትግራይ ዝተበላሸወ መሰረተ ልምዓት ንኽፅገን ህዝቢ እውን ናብ ልምዓቱ ንኽምለስ ብምሕሳብ ከምዝኾነ ኣገንዚበን፡፡

እቲ መድረኽ ዘተ ልዑል ስምዒት ፍቕሪ ሃገር ዝተርኣየሉ ከምዝነበረ ዝገለፃ እተን ምክትል ከንቲባ፥ ንሰራዊት ምክልኻል ዝኸውን ልዕሊ 1 ቢሊየን ብር ሓገዝ ንምትእኽኻብ ኣብ ስምምዕነት ከምዝተበፅሐ ኣብሪሀን።

እቲ ዝተኣተወ ቃል ኣብ ሓፂር እዋን ኣተኣኻኺቦም ኣታዊ ንምግባር ኮሚቴ ከምዝተጣየሸ እውን ገሊፀን።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።