ዓብዪ ግድብ ህዳሰ ምትእስሳር ቁጠባዊ ሃፍቲ ዘባ ቀርኒ ኣፍሪካ ብምጥንኻር ንሰላም ዘለዎ ዋጋ ዕዙዝ ከምዝኾነ ተገሊፁ

ኣዲስ ኣበባ፣ 1 ሓምለ፣ 2013 (ኤፍ ቢ ሲ)ዓብዪ ግድብ ህዳሰ ምትእስሳር ቁጠባዊ ሃፍቲ ዘባ ቀርኒ ኣፍሪካ ብምጥንኻር ንሰላም ዘለዎ ዋጋ ዕዙዝ ከምዝኾነ ተመራመርቲ እቲ ዓውዲ ገሊፆም።

ምስ ፋና ብሮድካስቲንግ ኮርፖሬት ፃንሒት ዝገበሩ ነበር ተደራዳሪ ግድብ ህዳሰን ጉዳይ ጂኦ ፖለቲካ ሩባ ኣባይ ብቐረባ ዝከታተሉን ኣይተ ፈቕኣሕመድ ነጋሽ፥ ኣብ ቀረባ ታሪኽ ዶብ ተሳገርቲ ሩባታት ምኽንያት ብምግባር ዝተለዓለ ኲናት ከምዘየለ ኣብሪሆም፡፡

ዶብ ተሳገርቲ ሩባታት ምኽንያት ብምግባር ኣብ ሞንጎ ሃገራት ጎንፂን ምትሕብባርን ማዕረ ብማዕረ ዝኸዱ ኢዮም ዝበሉ ኣይተ ፈቅኣሐመድ፥ ዝተለመደ ኣካይዳ ጂኦ ፖለቲካ ማይ ናብ ኲናት ዘምርሕ ከምዘይኮነ ገሊፆም፡፡

ኢትዮጵያ እናሃነፀቶ ትርከብ ግድብ ህዳሰ ኣብ ውሽጢ ተፋሰስ ሃገራት ፈላማይ ከምዘይኮነ ዝሓበሩ እቶም ተመራማሪ፥ ግብፂ ዝሃነፀቶ ልዕሊ ክልተ ዕፅፊ ግድብ ህዳሰ ዝኸውን ማይ ናይ ምሓዝ ዓቕሚ ዘለዎ ግድብ ኣስዋን እውን እንተኾነ ኣብ ሰላም እቲ ዞባ ኣሉታዊ ግደ ኣይፈጠረን ኢሎም፡፡

ኣብ ዩኒቨርሲቲ ኣርባ ምንጭ ሳይንሳዊ ዳይሬክተር ኢንስቲትዩት ቴክኖሎጂ ማይ ዶክተር ዓብደላ ከማል ብግደኦም፥ ግድብ ህዳሰ ኢትዮጵያ ብዝኾነ ይኹን መለክዒ ዘይምርግጋዕ እቲ ዞባ ከምፅእ ከምዘይኽእል ተዛሪቦም፡፡

እቲ ፕሮጀክት ብኣንፃሩ፥ ዞባዊ ምትእስሳር ቁጠባዊ ሃፍቲ ክጠናኸርን ሕውነት ንኸዓቢ ዝሕግዝ ከምዝኾነ ኣብሪሆም፡፡

እቶም ሙሁራት ኣብ መብርሂኦም፥ ግድብ ህዳሰ በቢግዚኡ ንሱዳን እናሃሰያ ዝርከብ ሓደጋ ውሕጅ ከምዘገላግላን ኣብ ኩለመዳይ ፀገማት ኣህጉር ኣፍሪካ ኣወንታዊ ረብሓ ብምምፃእ ዕዙዝ ኣስተዋፅኦ ከምዝህልዎ ገሊፆም፡፡

ብኣወል ኣበራ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።