ጊዚያዊ ምምሕዳር ክልል ትግራይ ኣብቲ ክልል ብዝተፈፀመ ቅትለት ኣባላት ዶብ ኣልባ ሓካይም ዝተሰመዖ ሓዘን ገሊፁ

ኣዲስ ኣበባ ፣ 19 ሰነ፣ 2013 (ኤፍ ቢ ሲ)ጊዚያዊ ምምሕዳር ክልል ትግራይ ብግብረ ራዕዲ ተረፍ መረፍ ህወሓት ኣብቲ ክልል ሰብኣዊ ሓገዝ ኣብ ልዕሊ ዝገብሩ ዝነበሩ ንፁሃን ዜጋታት ብዝተፈፀመ መጥቃዕቲ ዝተሰመዖ ሓዘን ገሊፁ።

ዋና ኣፈፃሚ ስራሕ እቲ ግዚያዊ ምምሕዳር ዶክተር አብርሃም በላይ፥ ተረፍ መረፍ ግብረ ራዕዲ ህወሓት ሰብኣዊ ሓገዝ ኣብ ልዕሊ ዝህቡ ዝነበሩ ንፁሃን መጥቃዕቲ ምፍፃሙ ነዚ ግዜ ዘይምጥን እኩይ ተግባር ኢዩ ኢሎም።

ኣብ ልዕሊ ንፁሃን ዜጋታት ዝፍፀም ተመሳሳሊ መጥቃዕቲ ናይቲ ጉጅለ ተስፋ ምቑራፅ ዘርእይ ኢዩ እውን ኢሎም።

በቲ ጉጅለ መጥቃዕቲ ዝበፅሖም ኣባላት ዶብ ኣልባ ሓካይም ዝኾኑ ናይቲ ጉጅለ ሓካይም መተሓባበሪት ማሪያ ሀርናንዴዝ፣ ሓጋዚ መተሓባበሪ ዮሃንስ ሀለፎምን ገናሒ መኪና ቴድሮስ ገብረማሪያም ከምዝሞቱ ብምግላፅ፥ እዚ እኩይ ተግባር መላእ ሕብረተሰብ ንከውግዞ ፃውዒት ኣቕሪቦም።

ጉዳይ ፀፅታ ኣብቲ ክልል ዝግበር ኣወሃህባ ሰብኣዊ ሓገዝ ብዝምልከት መስ ኣካላት ፀፅታ ፌዴራልን ክልልን ብምዃን ብትኹረት ይስራሕ ከምዘሎ ገሊፆም።

በቲ ዝተፈፀመ መጥቃዕቲ ዝተሰመዖም ዓሙይቕ ሓዘን ብምግላፅ፥ ንቤተሰብ፣ ኣዕርኽቲን ግዳያት ከምኡውን ኣብ ኢትዮጵያ ዝንቀሳቐሱ ዶብ ኣልቦ ሓካይም ምፅንዕናዕ ተመኒዮም ክብል ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።