ሕፁይ ምክትል ዋና ዳይሬክተር ኢሰማኮን ካልኦት ኮሚሽነራትን ዝቐረበ ውሳነ ሓሳብ ሽመት ፀዲቑ
ኣዲስ ኣበባ ፣ 18 ሰነ፣ 2013 (ኤፍ ቢ ሲ)ሕፁይ ምክትል ዋና ዳይሬክተር ሰብኣዊ መሰላት ኮሚሽን ኢትዮጵያ ካልኦት ኮሚሽነራትን ዝቐረበ ውሳነ ሓሳብ ሽመት ብባይቶ ወከልቲ ህዝቢ ፀዲቑ።
እቶም ተሸምቲ፥ ዝርዝር ስራሕ ልምዶም ብምርኣይ ብኣካብነት ኣፈ ጉባኤ ባይቶ ወከልቲ ህዝቢ ኣይተ ታገሰ ጫፎ ዝምራሕ ኮሚቴ ኣቕረብቲ ሕፁያት ምስ ተረኣየ ኢዩ እቲ ሹመት ክፀድቕ ቀሪቡ፡፡
እቲ ባይቶ ድማ ዝቐረበ ውሳነ ሓሳብ ምስ ተመልከተ፦
- ወይዘሮ ራኬብ መሰለ ምክትል ዋና ዳይሬክተር ሰብኣዊ መሰላት ኮሚሽን ኢትዮጵያ
- ወይዘሮ መስከረም ገስጥ ኮሚሽነር ጉዳይ መሰላት ደቂ ኣንስትዮን ህፃናትን
- ወይዘሮ ርግበ ገብረሃዋሪያት ኮሚሽነር ጉዳይ ጉዱኣት አካልን ኣረጋውያን
- ዶክተር ዓብዲ ጂብሪል ኮሚሽነር ጉዳይ መሰላት ሲቪልን ፖለቲካን ንኽኾኑ ዝቐረበ ውሳኔ ሓሳብ ብሙሉእ ድምፂ ኣፅቑዎ፡፡
ብሃይለኢየሱ ስዩም
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።