ከም ኣቦታትና እንተተሓባቢርና ዝኾነ ይኹን ኣካል ኣይደፍረናን – ቀ/ሚ ኣቢይ ኣሕመድ

ኣዲስ ኣበባ፣ 15 ጉንበት፣ 2013 (ኤፍ ቢ ሲ)ቀዳማይ ሚነስትር ኣቢይ ኣሕመድ”ከም ኣቦታትና እንተተሓባቢርና ዝኾነ ይኹን ኣካል ኣይደፍረናን” ክብሉ ገሊፆም።

ኣብ ፓርድክ ሓድነት እናተኻየደ ኣብ ዝርከብ መርሃ ግብሪ መጀመሪ ህንፀት ማእኸል ባህሊ ኣምሓራ ተረኺቦም መልእኽቲ ዘመሓላለፉ እቶም ቀዳማይ ሚኒስትር፥ ኣብ ኢትዮጵያ ዘደንቑ ክዙናት መዓድናት የሃልዉ እምበር ካብ ምርእኣይ ሓሊፉ ኣብ ረብሓ ምውዓል ከምዘይተኸኣለ ገሊፆም።

“እዚ ከይኸውን ካብ ውሽጢ ዓዲ ጥራሕ ዘይኮነስ ካብ ወፃኢ እውን ክፋእ ዝሰርሑልና ሓይሊታት ኣለዉ” ዝበሉ ዶክተር ኣቢይ፥ ኢትዮጵያ ሃፍታም ቆልዓ ዝሓዘለት ድኻ ኣዶ ብምባል ገሊፆምዋ።

ሕቶ ኢትዮጵያ ብሓባር ምልማዕን ምምዕባልን ከምዝኾነ ብምግላፅ፥ ኢትዮጵያውያን ደቂ ሃፋትም እናሓዘልሉ ምዕባይ ዘይኮነስ ነኒሕድሕዶም እናተኾላለሱ ብሕብረት ምምዕባል፣ ምልዋጥን እንትተርፎም ምድጋፍን ዝኽእሉሉ ዓቕሚ ምፍጣር ከምዝከኣል ኣብሪሆም።

ከም ኣቦታትና እንተተሓባቢርና ዝኾነ ይኹን ኣካል ክደፍረና ኣይኽእልን ዝበሉ እቶም ቀዳማይ ሚኒስትር፥ “ናፅነትናን ክብርናን ሓሊና ንኢትዮጵያ ናብ ብራኸ ምዕባለ ንምውሳድ ብፍቕሪ፣ ብይቕሬታ፣ ብምትሕስሳብን ምድማርን ሓደ ብምዃን ተምሳሌት ኣፍሪካ ክንገብራ ይግባእ ክብሉ” ምግላፆም ግዜኢ ፀብፂቡ።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5…

ይግበሩ/ራ!