ሓምለዋይ ኣሰር ንሃገር ተሓሳቢ ዝገበረ እንበር መረፃ ዘተኮረ ኣይኮነን-ቀ/ሚ ኣቢይ

ኣዲስ ኣበባ፣ 10 ጉንበት፣ 2013 (ኤፍ ቢ ሲ)መርሃ ግብሪ ሓምለዋይ ኣሰር 2013 ዓ.ም “ንኢትዮጵያ ንኽደና” ዕላዊ ኮይኑ።

ኣብዚ ዓመት ብብርኪ ሃገር 6 ቢሊየን ፈልሲ ክትከል ኢዩ ተባሂሉ።

ናብ ጎረባብቲ ሃገራት 1 ቢሊየን ፈልሲታት ከምዝተዳለዉ እውን ተገሊፁ፡፡

ቀዳማይ ሚኒስትር ኣቢይ ኣሕመድ፥ “ኣብ ዝሓለፉ ክልተ ዓማውቲ ተደሚርና ወፍሪ ሓምለዋይ ኣሰር ከምዘዐወትናዮ፤ ኣብዚ ዓመት እውን ኢድ ንኢድ ተተሓሒዝና ክነዕውቶ ኢና” ኢሎም።

ሓምለዋይ ኣሰር ሃገር ብምሕሳብ እምበረ መረፃ ማእኸል ዝገበረ ስለዘይኮነ ፓርቲታት ፖለቲካ፣ መናእሰይ፣ ኣቦታት ሃይማኖት፣ ተምሃሮን ፈተውቲ ሃገሮምን ዜጋታት ኩሎም ኣብቲ ወፍሪ ብንቕሓት ንኽትፉ ፀዊዖም።

ኢትዮጵያ ካብ እዋን ናብ እናተጋደደ ዝመፅአ ምጉሕጓ መሬት ጥራሕ ክሳብ 40 ሚሊየን ኩልታል ፍርያት ከምትስእን ይግለፅ።

ኣብ ዝሓለፉ ክልተ ዓመታት ዝተሰርሑ ስራሕቲ ሓምለዋይ ኣሰር እቲ ዘሎ ፀገም ካብሱሩ ዝፈትሕ ከምዝኾነ እውን ኣብቲ መድረኽ ተሓቢሩ፡፡

ብኣልኣዛር ታደለ

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5…

ይግበሩ/ራ!