በዓል ጥምቀት ኣብ ዩኔስኮ ዘይድህሰስ ሓድጊ ኮይኑ ንኽምዝገብ ተወሲኑ

ብመሰረት እዚ፥ በዓል ጥምቀት ካብ መስቀል፣ ስርዓት ገዳን ፍቸ ጨምበላላን በዓላት ቀፂሉ ኣብ ዩኔስኮ ዝተመዝገበ ራብዓይ ዘይደህሰስ ኢትዮጵያዊ ሓድጊ ዓለም ክኸውን ክኢሉ ኣሎ።

በዓል ጥምቀት፥ ብሃይማኖታዊን ባህላዊን ስነ-ስርዓት ኣብ መላእ ኢትዮጵያ ዝኽበር ድሙቕ በዓል ኢዩ።

እቲ በዓል ቅድሚ ክልተ ዓመት ኣብ መዝገብ ዘይድህሱ ሓድጊታት ዓለም ዩኔስኮ ንምምዝጋብ፥ መንግስቲ ኢትዮጵያን ካልኦት ዝምልከቶም ኣካላትን ክሰርሑ ምፅነሖም ይፍለጥ።

በዓል ጥምቀት ኣብ ዩኔስኮ ዘይድህሰስ ሓድጊ ዓለም ኮይኑ ንኽምዝገብ ድማ ኣባል እቲ ኮሚቴ ዝኾነት ጅቡቲ ልዑል ግደ ከምዝተፃወተት ካብ ኤምባሲ ኢትዮጵያ ኣብ ፈረንሳይ ዝረኸብናዮ ሓበሬታ የረድእ።