በዓል ሞያ ሕጊ ኣይተ ኣምሃ መኮንን ሽልማት ሓለዋ ሰብኣዊ መሰላት ናይዚ ዓመት ተዓዋቲ ኮይኖም

እቲ ሽልማት ብኣምባሳደራት ፈረንሳይን ጀርመንን ዝተበርከተ እንትኸውን፥ ኣብቲ ስነ-ስርዓት ድማ ቤተሰቦምን፣ መሓዙቶምን መሳርሕቶምን ተረኺቦም።

ሽልማት ሓለዋ ሰብኣዊ መሰላት ፈረንሳይ-ጀርመን ከም ኣቆፃፅራ ኣውሮፓውያን በቢዓመቱ 10 ታሕሳስ ዝኽበር ዓለም ለኸ መዓልቲ ሰብኣዊ መሰል ምኽንያት ብምግባር ኣብ ዓለም ንዝርከቡ 15 ተማጎትቲ ሰብኣዊ መሰላት ዝወሃብ ሽልማት ኢዩ።

ኣይተ ኣምሃ መኮንን፥ ኣማኻሪ ሰብኣዊ መሰል ኢትዮጵያን መስራቲ ተማጓትቲ ትካላት ሰብኣዊ መሰል፣ ጠበቓታት ሰብኣዊ መሰልን ኣውታረ መረብ ዲጂታል መሰል ኢትዮጵያን ኢዮም።