መልእኽቲ ታሕጓስ ዶክተር ደብረፂዮን

ኣዲስ ኣበባ፣ 30 ሕዳር፣2012 (ኤፍ.ቢ.ሲ)ከምዝፍለጥ ህዝቢ ትግራይ ንሰብኣውን ዴሞክራሲያውን መሰሉ፣ ንመንነቱን ክብረቱን ኣብ ዘካየዶ ተጋድሎ፣ደቂ ኣንስትዮ ትግራይ ዘርኣየኦ ጅግንነትን ዝፈፀመኦ ቕያን ብቃላት ንምግላፅ ኣዝዩ ዝኸብድ እዩ።

ሓፍትና ወ/ሮ ፍረወይኒ መብራህቱ እውን ናይዘን ዋዕሮታት ደቂ ኣንስትዮ ትግራይ ሕድርን መፅበዓን ኣፅንዕኺ ብምሓዝ፣ ኣብ ዝተዋፈርክሉ ዓውደ ስራሕ ብዘይሕለል ፃዕርን ስራሕን ናብዚ ዓወት እዚ ብምብፃኪ ብሓቂ ተሓብነ እየ። ካለኦት ደቂ ኣንስትዮ እውን ኣሰር ሓፍትና ወ/ሮ ፍረወይኒ መብራህቱ ብምኽታል፣ ኣብ ዝተዋፈርክናሉ ሞያ ብዝለዓለ ትግሃትን ተወፋይነትን ብምርብራብ ጭቡጥ ለውጢ ክተምፀኣ ይግባእ።