ኢቢሲ ናብ ዝሓሸ ምዕራፍ ንክሸጋገር ኣድላዪ ደገፍ ክግበር ኢዩ- ም/ቀ/ሚ ተመስገን ጥሩነህ

ኣዲስ ኣበባ፣ 24 ታሕሳስ፣ 2017 (ኤፍ ኤም ሲ)ኢትዮጵያ ብሮድካስቲንግ ኮርፖሬሽን(ኢቢሲ) ናብ ዝሓሸ ምዕራፍ ንክሸጋገር ኣድላዪ ደገፍ ክግበር ኢዩ ክብሉ ምክትል ቀዳማይ ሚኒስትር ተመስገን ጥሩነህ  ገሊፆም።

እቶም ምክትል ቀዳማይ ሚኒስትር ኣብቲ ትካል ኣብ ዝገበርዎ ዑደት፥ ኢቢሲ ታሪክ ኢትዮጵያ፣ ባህልን ማሕበራዊ ክብሪታትን ኣብ ምፍላጥን ንህንፀት እወንታዊ ፅባቐ ዝገብሮ ዘሎ ፃዕሪ ንካልኦት መራኸብቲ ሓፋሽ ኣብነት ኢዩ ኢሎም።

እቲ ትካል ምዕቡል ሚዲያ ኮምፕሌከስ ካብ ምህናፅ ብተወሳኺ፥ “ናብ ትሕዝቶ” ብዝብል መሪሕ ሓሳብ ብዝጀመሮ መመሓየሺ ትሕዝቶን ኣቀራርባን ተበፃሕነቱ ንምስፋሕ ዝሰርሖም ዘሎ ተግባራት ዝተባብዑ ከምዝኾኑ ሓቢሮም።

ኣብ ዝተፈላለያ ክልላት ሓደሽቲ ስቲዲዮታት ብምህናፅ ናብ ስራሕ ምእታዉ ናይ ኢትዮጵያ እወንታዊ ፅባቐ ንምጉላህ ልዑል ግደ ከምዘለዎ ተዛሪቦም።