ኣብ ትግባራ ቀንዲ ዕማማት ህዝብን ግዝያዊ መንግስቲ ትግራይን ግደ ሲቪል ማሕበረሰብ ዕዙዝ እዩ- ሌ/ጀነራል ፃድቃን

ኣዲስ ኣበባ፣ 27 ሓምለ፣ 2015 (ኤፍ ቢ ሲ)ኣብ ትግባረ ቀንዲ ዕማማት ህዝብን ግዝያዊ መንግስቲ ትግራይን ግደ ሕብረት ማሕበራት ሲቪል ማሕበረሰብ ክልል ትግራይ ዕዙዝ እዩ ክብሉ ምክትል ርእሰ ምምሕዳርን ካቢኔ ሴክሬታርያት ዲሞክራታይዜሽንን ዘይምእኹል ምሕደራን ግዝያዊ ምምሕዳር ክልል ትግራይ  ሌተናል ጀነራል ፃድቃን ገብረትንሳኤ ገሊፆም።

መበል 14 ዓመታዊ ጉባኤ ሕብረት ማሕበራት ሲቪል ማሕበረሰብ ክልል ትግራይ (ACSOT) ይሳለጥ ኣሎ።

ኣብቲ መድረኽ ዝተረኸቡ ሌተናል ጀነራል ፃድቃን፥ እተን ማሕበራት ኣብ ሕውየት ትግራይ ዝዓዘዘ ግደ ዘለወን ኢዩ ኢሎም።

ስለዝኾነ

ሰላምን ፀጥታን ትግራይ ውሑስ ክኸውን፣ ሕውየትን እግሪ ምትካልን ዳግመ ህንፀት ክረጋገፅ ከምኡ ውን ፖለቲካዊ ኩነታት እቲ ክልል ምቕያር ሰለስተ ዓበይቲ ዕማማት ግዝያዊ መንግስቲ ክልል ትግራይ እዮም ኢሎም።

ስለዝኾነ ህዝቢ ትግራይ ካብ ዘለዎ ፀገም ንክወፅእ ንሕብረት ማሕበራት ሲቪል ማሕበረሰብ ክልል ትግራይ ሓዊሱ ኹሉ ብማዕረ ክሰርሐሎም ኣተሓሳሲቦም።

ድሕሪ ስምምዕነት ሰላም ፕሪቶርያ ዝተረኸበ ሰላም ንረብሓ ሕብረተሰብን ቀዳምነት ዝወሃቦም ፀገማት ንምፍታሕን ምስቶም መደራደርትና ናብ ዝጠንከረ ብርኪ ንምብፃሕ ብሓባር ዝጠምረና ኣከያይዳ ክንኸይድ ይግባእ ኢሎም ሌተናል ጀነራል ፃድቃን።

ሰላም ካልኦት ዕማማት ንምስራሕ ወሳኒ ብምዃኑ ሕብረት ማሕበራት ሲቪል ማሕበረሰብን ካልኦት ማሕበራትን ሓበራዊ ሓለዋ ከምዘድልዮ ምግላፆም ኣብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር ክልል ትግራይ ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።