400 ኩንታል ዘበናዊ ዱኽዒ ብዘይሕጋዊ መገዲ እናተዘዋወረ ዝተረኸበ ኣብ ትሕቲ ቁፅፅር ውዒሉ
ኣዲስ ኣበባ፣ 17 ሓምለ፣ 2015 (ኤፍ ቢ ሲ)መበገሲኡ ካብ ወደብ ጅቡቲ ብምግባር መብፅሒኡ ከተማ ወረታ ንምግባር እናተንቀሳቐሰ ዝነበረ 400 ኩንታል ዘበናዊ ዱኽዒ (መዳበሪያ) ዝፀዓነት ተሳሓቢት ተሽከርካሪት ኣብቲ ዝተሓሰበ ቦታ እንተይበፅሐት ኣሽከርካሪ ምስ ውልቀ ሰባት ብምምስጣር ዘይሕጋዊ ተግባር እንትሰርሕ ኣብ ትሕቲ ቁፅፅር ውዒሉ።
እቲ ዘይሕጋዊ ተግባር ኣብ ከተማ ባህርዳር ቀበሌ ሰባታሚት 16 ሓምለ 2015 ዓ/ም ዝተፈፀመ እንትኸውን÷ ለይቲ ሰዓት 6:00 ዘበናዊ ዱኽዒ መዳበሪያ ብዘይሕጋዊ መገዲ ንውልቀ ሰባት እናከፋፈለ ብሓበሬታ ሕብረተሰብ ከምዝተትሓዘ ፖሊስ ኦፊሰር ቀበሌ ሰባታሚት ኮንስታብል ዮሃንስ ጥላሁን ተዛሪቦም።
መብዛሕትኡ መዳበሪያ እንተይተራገፈ ምስ ተሸከርካሪኣ ምሓዝ ይከኣል እምበር÷ ልዕሊ 140 ኩንታል ዝኸውን ንውልቀ ሰባት ብዘይሕጋዊ መገዲ ከምዝተኸፋፈለ ፖሊስ ብዝገበሮ ክትትል ኣረጋጊፁ።
ፖሊስ ብዝገበሮ ኣለሻ ገዛ ንገዛ ካብታ ተሸከርካሪት ተራጊፉ ኣብ ገዛ ውልቀ ሰባት ዝተኸዘነ ብዙሕ መዳበሪያ ምርካቡ ኣፍሊጦም።
ኣሽከርካሪ ውልቀ ሰብ ኣብ ትሕቲ ቁፅፅር ሕጊ ውዒሉ ምርመራ እናተገበረሉ ምዃኑ ፖሊስ ምግላፁ ካብ ቢሮ ሕርሻ ክልል ኣምሓራ ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com