ፕሮጀክት መገዲ ኣብራሃ ካስትል – ሳይዛና- ላዕለዋይ ቤት ፍርዲ መቐለ 90 ሚኢታዊ ከም ዝተወገነ ተገሊፁ

ኣዲስ ኣበባ፣ 10 ታሕሳስ፣ 2017 (ኤፍ ኤም ሲ)ኣብ ከተማ መቐለ ብትካል ሱር ኮንስትራክሸን ዝህነፅ ዘሎ ካብ ኣብራሃ ካስትል – ሳይዛና- ላዕለዋይ ቤት ፍርዲ ክልል ትግራይ መገዲ ኣስፋልት ብዝሓሸ ፅሬትን ቅልጣፍን ይስራሕ ከምዘሎ ተገሊፁ።

ሓላፊ እቲ ፕሮጀከት ኢንጅነር ማሓሪ ገዙ፥ እቲ ዝህነፅ ዘሎ ጎደና ናብ ብዝሓት ኣንፈታት ዝወስድ መማሓላለፊ መገድን ብኣብዛሓ ናይ ንግዲ ትካላት ዘለውዎን ኣስታት 1 ኪሎ ሜትር ዝሸፈነ ኢዩ ኢሎም።

ስለዝኾነ ከም ትካል ዝለዓለ ቆላሕታ ብምሃብ ሙሉእ ዓቕሙ ኣዋዲዱ ይስርሕ ከምዘሎ ሓቢሮም።

እቲ ስራሕ ኣብ ዝሓፀረ እዋን ንምዝዛም ብዝሓሸ ቅልጣፍን ፅሬትን እናሰረሐ ከም ዝርከብ ብምግላፅ፥ ዛጊድ  ኣፈፃፅማ እቲ ፕሮጀክት 90 ሚኢታዊ ሰራሕቲ ከም ዝተወገነ ገሊፆም።

ነበርቲ እቲ ካባቢ ኣብ ጎድኒ እቲ ትካል ኮይኖም ንዝገብርዎ ዘለዉ ኩለንተናዊ ተሳትፎ አመስጊኖም።

ብዛዕባ እቲ ፕሮጀክት ርእይቶ ዝሃቡ ነበርቲ ከተማ መቐለ ብግደኦም፥ ብዝሰላሰሉ ዘለው ስራሕቲ መገዲ ኣዝዮም ሕጉሳት ከም ዝኾኑ ገሉፆም።

ሱር እታ ዝርካባ ውሱን ሃፍቲ ሒዙ ህዝቢ ትግራይ ብልምዓት ንምድባስ ዓሊሙ ዝጀመሮም ልምዓታዊ ንጥፈታት ንቅድሚት እውን ኣጣናኺሩ ንክቕፅለሉ እቶም ነበርቲ ተላብዮም።