ፕሬዚዳንት ሳህለወርቅ ንኬንያውያን መግለፂ ሓዘን ኣመሓላሊፈን

ዳንኤል አራፕ ሞይ ንናፅነት ኬንያ ዝገበሩዎ ተጋድሎ ዘዘኻኸራ ፕሬዚዳንት ሳህለወርቅ፥ ኣብ ምስረታ ኢጋድ ርኡይ ግደ ከምዝነበሮም እውን ገሊፀን።

ፕሪዚዳንት ሞይ ዋላ ብኣካል ይሕለፉ እምበር፥ ንድሕንነት ህዝቦምን ንኣፍሪካን ብዝገበሩዎ ሰናይ ተግባር ኩሉ ግዘ እናተዘከሩ ክነብሩ ኢዮም ብምባል ኣመላኺተን።

ንመላእ ኬንያውያን፣ ንመንግስቲ ኬንያን ንስድራ ቤት እቶም ነበር ፕሬዚዳንትን ድማ ፅንዓት ተመኒየን።

ነበር ፕሬዚዳንት ኬንያ ዳንኤል አራፕ ሞይ ኣብ 94 ዕድሚኦም ካብዚ ዓለም ዝተፈለዩ እንትኾኑ፥ ኬንያ ስነ-ስርዓት ቀብሮም ክሳብ ዝፍፀም ብሄራዊ መዓልቲ ሓዘን ኣዊጃ ኣላ።

ፍልፍል፦ ኤምባሲ ኢትዮጵያ ኣብ ኬንያ