ፓርክ ኢንዱስትሪ መቐለ ናብ ስራሕ ንምእታው ዝርገሐ መሰረተ ልምዓት ይካየድ ኣሎ

ኣዲስ ኣበባ፣ 13 ሕዳር፣ 2017 (ኤፍ ቢ ሲ)ፓርክ ኢንዱስትሪ መቐለ ናብ ስራሕ ንምእታው ዝርገሐ መሰረተ ልምዓት ይካየድ ከምዘሎ ኣካያዲ ስራሕ እቲ ፓርክ ኣይተ ፊልሞን ተረፈ ኣፍሊጦም።

ምስ ኢትዮ ቴሌኮም ሰሜን ሪጅን ብምትሕብባር ዝርገሐ መስመር ኢንተርኔት ናይ ምዝዛም ተግባር ከምዝተኻየደ ተዛሪቦም።

ኮርፖሬሽን ልምዓት ፓርክታት ኢንዱስትሪ ናይቲ ፓርክ ፀገም ምቁርራፅ ኤሌከትሪክን ኢንተርኔተን ንምፍታሕ ዘይተሓለለ ደገፍ ይገብር ከምዘሎ ኣፍሊጦም።

ኣብ ውሽጢ እቲ ፓርክ ቀረብ ማይ ንክማላእ 60 ሚሊየን ብር ንኣገልግሎት ማይን ፈሳሲን ከተማ መቐለ ክፍሊት ከምዝተፈፀመ ተዛሪቦም።

ኣብ ሓይሊ ኤሌክትሪክ ዘሎ ፀገም ንምፍታሕ 34 ሚሊየን ብር ንኣገልግሎት ሓይሊ ኤሌክትሪክ መቐለ ክፍሊት ከምዝተፈፀመ ምግላፆም ግዜኢ ፀብፂቡ።