ፓርቲ ብልፅግና ዕዳ ተይኮነስ ሃፍቲ ንክውርስ ብመሰረት ዝኣተዎ ቃል ብተግባር የረጋግፅ ኣሎ-ኣብረሃም በላይ(ዶ/ር)

ኣዲስ ኣበባ፣ 17 ታሕሳስ፣ 2017 (ኤፍ ኤም ሲ)ፓርቲ ብልፅግና ዕዳ ተይኮነስ ሃፍቲ ክነውርስ ኢና ኢሉ ብመሰረት ዝኣተዎ ቃል ብተግባር የረጋግፅ ኣሎ ክብሉ ኣባል ኮሚቴ ፈፃሚ ስራሕ ፓርቲ ብልፅግናን ሚኒስትር መስኖን ከባቢ ቆላን ኣብረሃም በላይ(ዶ/ር) ገሊፆም።

ኣብርሃም በላይ (ዶ/ር)÷ ፓርቲ ብልፅግና ቅኑዕ ኣመራርሓን ውሳነን ፕሮጀክት ብምሃብ ገዘፍቲ ፕጀክትታት ብፅርየትን ሰለጤንን  ናይ ምፍፃም ዓቕሚ ብተግባር ኣርእዩ ኢዩ ኢሎም።

ቅድም ክብል ኣብ ዝተፈላለዩ ከባቢታት እምነ ኲርናዕ እናተቐመጠ ኣብ ጅማሮ ዝተርፉ ብዙሓት ፕሮጀክትታት ከምዝነበሩ ብምዝኽኻር፥ ፓርቲ ብልፅግና ኣብ ከምዚ ዓይነት ኣሰራርሓታት መሰረታዊ ለውጢ ከምዘምፀአ ተዛሪቦም።

ህንፀት ዓብዪ ግድብ ህዳሰ ኢትዮጵያ ሓዊሱ መፈልፈሊ ሓይሊ ኮይሻን ለዕሊ 15 ዓመት ህንፀቱ ተቛሪፁ ዝፀንሐ ፕሮጀክት መስኖ መገጭን ህንፀቱ ንክቕፅል ከምዝተገበረ ገሊፆም።

ብመሰረት እዚ ፓርቲ ብልፅግና ንህዝቢ ብመሰረት ዝኣተዎ ቃል በጀት ብምስላዕ፣ ለውጢ ኣመራርሓ ፕሮጀክት ብምግባር ህንፀት እቲ ፕሮጀክት ንክፍፀም ምግባሩ ኣብሪሆም።

እቲ ፓርቲ ሜጋ ፕሮጀክትታት ብምፍፃም ዕዳ ተይኮነስ ሃፍቲ ክነውርስ ኢና ኢሉ ብመሰረት ዝኣተዎ ቃል ብተግባር የረጋግፅ ምህላዉ ምግላፆም ግዜኢ ፀብፂቡ።