ፓም ቦንዲ ላዕለወይቲ ዓቃቢት ሕጊ ምምሕዳር ትራምፕ ብምዃን ተሾይመን

ኣዲስ ኣበባ፣ 13 ሕዳር፣ 2017 (ኤፍ ቢ ሲ)መበል 47 ፕሬዚዳንት ኣሜሪካ ብምዃን ዝተመረፁ ዶናልድ ትራምፕ ንውርይቲ ዓቃቢት ሕጊ ፓም ቦንዲ ላዕለወይቲ ዓቃቢት ሕጊ ብምግባር ሹመት ሂበን፡፡

ትራምፕ እቲ ሹመት ዝሃቡወን÷ ቅድም ክብል ሕፁይ ገይሮም ዝመረፁዎም ማት ጋኤዝ ብዝተለዓሎም ተቓውሞ እቲ ሓላፍነት ከምዘይቕበሉ ድሕሪ ምሕባሮም ኢዩ።

ፓም ቦንዲ ነዊሕ ዓመታት ኣብ ኣገልግሎት ሕጊ ዝሰርሓ እንትኾና ላዕለወይቲ ዓቃቢት ሕጊ ግዝኣት ፍሎሪዳ ብምዃን እውን ኣገልጊለን ኢየን፡፡

ንትራምፕ ብግልፂ ብምድጋፍ ዝፍለጣ ፓም ቦንዲ÷ ዝተውሃበን ሓላፊነት ብብቕዓት ከምዝዋፅኣ ተሓቢሩ።

ዶናልድ ትራምፕ እቲ ሽመት ድሕሪ ምሃቦም ኣብ ማሕበራዊ ሚዲያ ገፆም ኣብ ዘመሓላለፉዎ መልእኽቲ፤ ፓም ቦንዲ 20 ዓመታት ዝኸውን ልምዲ ከምዘለወን ገሊፆም።

ፓም ገበን ኣብ ምክልኻልን ጎደናታት ፍሎሪዳ ሰላማዊ ኣብ ምግባር ንዝሰርሐኦ ስራሕ ናእዳ ይግበአን ምባሎም ቢቢሲ ፀብፂቡ፡፡