ፎረም ከንቲባታት ኢትዮጵያ ዝቕፅል 21 ሚያዝያ ጀሚሩ ክካየድ ኢዩ
ኣዲስ ኣበባ፣ 19 ሚያዝያ፣ 2015 (ኤፍ ቢ ሲ)ፎረም ከንቲባታት ኢትዮጵያ ዝቕፅል 21 ሚያዝያ 2015 ዓ.ም ጀሚሩ ከምዝካየድ ሚኒስቴር ከተማን መሰረተ ልምዓትን ኣፍሊጡ።
ሚኒስትር ከተማን መሰረተ ልምዓትን ጫልቱ ሳኒ ኣብ ዝሃበኦ መግለፂ÷ እቲ ፎረም ከተማታት ዘለወን ልምዲ ዝካፈላሉን ልውውጥ ልምዲ ዘካይዱሉን ከምዝኾነ ተዛሪበን፡፡
ኣብቲ መድረኽ መፅናዕታዊ ፅሑፋት ሓዊሱ ሓደሽቲ ሓሳባት ዝቐርቡሉ ከምዝኾነ ዝገለፃ እተን ሚኒስትር÷ ከተማታት ኢትዮጵያ ርክብ ሕውነታውነት ንምጥንኻር ዝግበር ፃዕሪ ዝሕግዝ ከምዝኾነ ኣብሪሀን፡፡
ቀዳማይ ሚኒስትር ኣቢይ ኣሕመድ ኣብ መወዳእታ እቲ ፎሮም÷ ከተማታት ብኩለመዳይ መልክዑ ንባዕለን ኣብ ዘደንፍዓሉ ኣግባብ መምርሒ ስራሕ ከምዝህቡ ተሓቢሩ፡፡
ኣብቲ መድረኽ ርእሳነ ምምሕዳር ክልላት ሓዊሱ ልዕሊ 300 ከንቲባታት ክርከቡ ኢዮም ዝብል ትፅቢት ኣሎ፡፡
ብወንድሙ ኣዱኛ
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube