ፀወታ ደርቢ ሰሜን ለንደን ትፅቢት ዝግበረሉ እንትኸውን ትማሊ ድማ ሊቨርፑል፣ ቸልሲን ማንችስተር ሲቲን ነጥቢ ደርቢየን

ኣዲስ ኣበባ፣ 7 ጥሪ፣ 2017 (ኤፍ ኤም ሲ)ትማሊ ኣብ ዝተኻየዱ መበል 21 ሰሙን መርሃ ግብሪ ፕሪሚዬር ሊግ እንግሊዝ መሪሕ እቲ ሊግ ሊቨርፑል ምስ ኖቲንግሃም ፎረስት ተራኺበን 1 ን 1 ብዝኾነ ውፅኢት ተዛዚመን።

ዌስትሃም ንፉልሃም 3 ን 2 እንትስዕር፤ ማንቸስተር ሲቲ ምስ ብሬንትፎርድ ከምኡ እውን ቸልሲ ምስ ቦርንማውዝ ብተመሳሳሊ 2 ን 2 ማዕረ ተፈላሊየን።

ሎሚ መዓልቲ ምሸት ኣርሰናል ምስ ቶተንሃም ዝገብረኦ ፀወታ ሰሜን ለንደን ደርቢ ትፅቢት ይግበረሉ፡፡

ኣርሰናል ምሸት 5፡00 ንታሪኻዊት ተጋጣሚታ ቶተንሃም ኣብ ሜዳኣ ትገብሮ ፀወታ ልዑል ትፅቢት ዝግበረሉ ኢዩ።

ወሰንቲ ተፃትታ ብጉድኣት ዝሰኣነት ኣርሰናል ኣብ ሰሜን ለንደን ደርቢ ፀወታ ከቢድ ፈተና ክገጥማ ከምዝኽእል ተገሚቱ ኣሎ።

ብኻሊእ መዳይ መሪሕ እቲ ሊግ ነጥቢ ምድርባያ ስዒቡ ኣርሰናል ንፅዋዕ ትገብሮ ጉዕዞ ንምውሳን ግድን ንምዕዋት ናብ ሜዳ ከምትኣቱ ይግመት፡፡

ኣብ ካልኦት መርሃ ግብሪ ፀወታታት ምሸት 4:30 ሌስተር ሲቲ ምስ ክሪስታል ፓላስ፣ ኤቨርተን ምስ ኣስቶን ቪላ ከምኡ እውን ኒውካስል ምስ ዎልቭስ ክራኸባ ኢየን።