ግድብ ህዳሰ ዘላቒ ረብሓ ኢትዮጵያ ንኸረጋግፅ መርሃ ግብሪ ተኸላ ፈልሲ ክጠናኸር ይግባእ – ዶ/ር ኣረጋዊ በርሀ

ኣዲስ ኣበባ ፣ 4 ሰነ፣ 2013 (ኤፍ ቢ ሲ)ግድብ ህዳሰ ዘላቒ ረብሓ ኢትዮጵያ ንኸረጋግፅ መርሃ ግብሪ ተኸላ ፈልሲ ሓምለዋይ ኣሰር ክጠናኸር ይግባእ ክብሉ ዋና ዳይሬክተር ቤት ፅሕፈት መተሓባበሪ ህዝባዊ ተሳትፎ ግድብ ህዳሰ ዶክተር ኣረጋዊ በርሀ ፀዊዖም።

9ይ ሃገር ለኸ ጉባኤ ላዕለዎት ትካላት ትምህርቲ ምኽንያት ብምግባር፥ ሎሚ መዓልቲ ኣብ ቀፅሪ ዩኒቨርሲቲ ጎንደር መርሃ ግብሪ ተኸላ ፈልሲ ሓምለዋይ ኣሰር ተሳሊጡ፡፡

እቶም ዋና ዳይሬክተር፥ ካብ ጎቦታታትን ቃላያትን ዝፈስሱ ውሕጃት ዓመት ሙሉእ ዋሕዚ ማዮም ከይዛባዕ ፈልሲታት ብምትካልን ክንክን ብምግባርን ስነ-ምህዳር እቲ ከባቢ ንምሕላው ከም ሃገር ዝተጀመረ መርሃ ግብሪ ሓምለዋይ ኣሰር ክቕፅል ከምዝግበኣ ተዛሪቦም።

ግድብ ህዳሰ ብደለል ከይመልእን ንኢትዮጵያ ዘላቒ ረብሓ ንኸህብን፥ ዝግበር ሃገራዊ ተኸላ ፈልሲ ተጠናኺሩ ክቕፅል ከምዝግባእ እውን ኣተሓሳሲቦም።

ኣብ ግድብ ህዳሰን ዓለም ለኸ ሕጊታት ማይን ኣብ ዩኒቨርሲቲ ጎንደር ንኽልተ መዓልቲ እናተኻየደ ዝፀንሐ ሃገር ለኸ ጉባኤ ላዕለዎት ትካላት ትምህርቲ ሎሚ መዓልቲ ተዛዚሙ።

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5…

ይግበሩ/ራ!