ግብፂ ኣብ ሰለስተኣዊ ድርድር ግድብ ህዳሰ ግደ ሰብ ሞያታት ሕብረት ኣፍሪካ ክብ ይበል ብዝብል ዝቐረበ ሓሳብ ከምዝነፀገቶ ሚኒስቴር ጉዳያት ወፃኢ ኣፍሊጡ

ኣብ ዝሓለፉ ሰስተ ሰሙናት ኣብ ዓውዲ ዲፕሎማሲ ዝተሰርሑ ስራሕቲ ብዝምልከት ኣቐባሊ ቓል ሚኒስቴር ጉዳያት ወፃኢ ኣምባሳደር ዲና ሙፍቲ መግለፂ ሂቦም።

እቶም ኣምባሳደር ኣብ መግለፂኦም፥ ኣብ ሞንጎ ኢትዮጵያ፣ ሱዳንን ግብፂን ንዘሓለፉ ሸውዓተ መዓልቲታት ኣብ ኣመላልኣ ማይ ግድብ ህዳሰ ኣድሂቦም ምይይጥ ከምዝገበሩ ገሊፆም።

ሰለስቲአን ሃገራት ሞዳሊቲ እቲ ድርድር ንምስንዳእ ሕድሕደን ከክልተ ሰብ ሞያታት መሪፆም ከምዘቕረቡ እውን ገሊፆም።

ኣብቲ ድርድር ግደ ሰብ ሞያታት ሕብረት ኣፍሪካ ክብ ይበል ኣብ ዝብል ሓሳብ ኢትዮጵያ፥ ሱዳን ዝተስማዕመዐት እንትትከውን ግብፂ ከምዝነፀገቶ እቶም ኣቐባሊ ቃል ኣብሪሆም።

ብጥበበስላሴ ጀንበሩ

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana