ግብረ ራዕዲ ህወሓት ጉድኣት ዘብፀሐለን ደቂ ኣንስትዮን ህፃናትን ሓገዝ ይጓዓዓዘለን ኣሎ

ኣዲስ ኣበባ፣ 4 ጳጉሜን፣ 2013 (ኤፍ ቢ ሲ)ኣብ ክልላት ዓፋርን ኣምሓራን ግብረ ራዕዲ ህወሓት ጉድኣት ዘብፀሐለን ደቂ ኣንስትዮን ህፃናትን ልዕሊ 24 ነጥቢ 9 ሚሊየን ብር ዝኸውን ሰብኣዊ ሓገዝ እናተጓዓዓዘ ምዃኑ ገሊፁ።

እቲ ግብረ ራዕዲ ኣብ ክልላት ዓፋርን ኣምሓራን ብዘብፀሖ ናይ ሽርሒ ጥፍኣት ጉድኣት ዝበፅሐን ደቂ ኣንስትዮን ህፃናትን ንምድጋፍ ካብ ዝተሰርሑ ስራሕቲ ኣመልኪተን፥ ሚኒስትር ደቂ ኣንስትዮ፣ ህፃናትን መናእሰይን ፊልሰን ኣብዱላሂ ንጋዜጠኛታት መግለፂ ሂበን።

ኣብ መግለፂአን ብፍላይ ኣብ መዕቖቢ ጣቢያታት ክልል ዓፋር ዝርከቡ ሓገዝ ዝደልዩ ህፃናትን ነብሰፁር ደቂ ኣንስትዮን ሓዊሱ 76 ሺሕን 525 ተመዛበልቲ ወገናት ከምዘለዋ ተገሊፁ።

ካብ ሞንጎ እዚኣተን 459 ንዝተፈላለያ ፀገማት ብፍላይ ድሕሪ ወሊድ ብዝበፅሐን ጉድኣት ተቓላዕቲ ከምዝኾን 16 ሺሕን 836 ዝኾና ድማ ሓገዝ ስነ-ልቦና ከምዘድሊየንን ኣብሪሀን።

እቲ ሚኒስቴር ምስ ሚኒስቴር ጉምሩኽ ብምዝርራብ ዘተኣኻኸቦም ዝተፈላለዩ ክዳውንቲ ከምኡ እውን ምግቢ ተንከፍ ካብ ዝኾኑ እታወታት ሽኮር፣ ፓስታ፣ ሩዝን ብርሱንን ኣብ ክልል ዓፋር ንዝርከቡ ተመዛበልቲ ወገናት ኣገልግሎት ንኽዕል ሓገዝ ገይሩ ኢዩ።

ኣብቲ እዋን ንዝተመዛበሉ ወገናት ኣገልግሎት ዝውዕል ሓፈሻዊ ግምቱ ልዕሊ 24 ሚሊየን 909 ሺሕ ብር ዝኾኑ ሰብኣዊ ሓገዛት ንምግባር፥ ካብ ጨንፈር ጣቢያታት ጉምሩኽ ድሬዳዋ፣ ጅግጅጋ፣ ኣብ ኣዋሽን ሃዋሳን ካብ ዝርከቡ ብምእካብ ናብተን ክልላት እናተጓዓዓዘ ዝርከብ ከምዝኾነ ገሊፀን።

ስለዝኾነ ድማ 8 ሚሊየን ብር ዝግመት 8 ሺሕን 500 ኪሎ ግራም ክዳውንቲ ናብ ክልል ኣምሓራ እናጓዓዓዘ እንትኸውን፥ ዝተረፈ ልዕሊ 16 ሚሊየን ብር ዝግመት ዋጋ ዘለዎ ክዳውንቲን ምግቢ ተንከፍ ናውቲን ድማ ናብ ክልል ዓፋር ከምዝተለኣኸ ግዜኢ ፀብፂቡ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።